Որոնել

Vatican News
Համաճարակ. Իտալացի Քահանաներուն վճարած սուղ գինը։ Համաճարակ. Իտալացի Քահանաներուն վճարած սուղ գինը։ 

Համաճարակ. Իտալացի Քահանաներուն վճարած սուղ գինը։

Քովիտ 19 համաճարակի բերումով մինչեւ 23 Մարտ Իտալիոյ մէջ մահացած քահանաներու թիւը հասած է 30-ի։ Անոնցմէ 16 անդամ էին Իտալիոյ հիւսիսը գտնուող ու համաճարակի կեդրոն համարուող քաղաքներէն՝ Պերկամօ թեմին։

Ռոպէր Աթթարեան - Վատիկան

Քորոնա ժահրէն վարակուածներուն շարքին կան նաեւ բազմաթիւ քահանաներ։ Անոնցմէ ոմանք կը գտնուին մեկուսացման իրավիճակի մէջ, իսկ ուրիշներ խիստ (ինթէնսիֆ)  խնամքի տակ։Անոնցմէ 30 ցաւօք սրտի մահացած են։

Ունկնդրէ լուրը

23 Մարտի տուեալներու համաձայն Պերկամոյի աւագ թեմին մէջ արձանագրուած են 16 զոհեր, անոնց շարքին է Հայր Ֆաուսթօ Ռեզմինի որ հիմնադիրն էր Տոն Միլանի հասարակութեան ու իր կեանքը նուիրած էր անչափահասներու պաշտպանութեան ի նպաստ։

Ան եղած է նաեւ բանտի մատրանապետ ու յատուկ կերպով զբաղած է ու հոգ տարած է Պերկամոյի տնանկներուն։

Փարմայի թեմին Քահանաներու շարքին եւս կան վեց զոհեր։ Մինչ Քրեմոնայի թեմէն ներս մահացած են չորս քահանաներ, որոնցմէ մէկը 104 տարեկան էր։ Միլանի Աւագ Թեմին մէջ մահացած են 3 քահանաներ։

Համաճարակը չի խնայեց Իտալիոյ հարաւը եւ Սալերնօ - Քամփանիա - Աչերնօ թեմին մէջ արձանագրուեցաւ առաջին զոհը՝ Քաճանօ ժողովրդապետութեան Հովիւ՝ 45 ամեայ Հայր Ալեսսանտրօ Պրինիոնէ։

Այս դժուար ու աննախադէպ տագնապին հակառակ, բազմաթիւ քահանաներ կը շարունակեն հերոսաբար կատարել իրենց առաքելութիւնը ու յանձնառումով հաւատացեալներուն ապահովել իրենց մօտիկութիւնը։ Այս Քահանաներուն է որ անցեալ 15 Մարտի Մարեմեան Աղօթքի ընթացքին Սրբազան Քահանայապետը իր երախտագիտութիւնը արտայայտած էր  ու շնորհակալութիւն յայտնած էր անոնց «ստեղծագործութեան» համար, որով հազար ու մէկ ձեւով կը փորձեն մօտիկ ըլլալ իրենց հօտին։

Մինչ անցեալ 13 մարտին Տոմուս Սանթա Մարթայի մատրան մէջ մատուցած պատարագի ընթացքին, Նորին Սրբութիւնը աղօթած էր որպէսզի Սուրբ Հոգին անոնց պարգեւէ հովուական զատորոշումի կարողութիւնը, որպէսզի հաւատացեալները իրենք զիրենք զգան առաջնորդուած հովիւներէն ու Աստուծոյ Խօսքին մխիթարութեամբ։

24/03/2020, 07:42