Նիճերիացի վարդապետի մը կոչը ՝քրիստոնեաներուն ոչնչացումի վերաբերեալ:
Վազգէն Աբարդեան - Վատիկան
Նիճերիացի վարդապետ մը, « Տառապող եկեղեցւոյ օգնութիւն» քահանայապետական բարեսիրական կազմակերպութեան միջոցաւ կոչ ըրած է, Նիճերիոյ մէջ քրիստոնեաներու ոչնչացումին վերաբերեալ:
«Նիճերիոյ մէջ մենք քրիստոնեաներս ամէն օր հալածանքի եւ մահապատիժի ենթարկուած ենք: Մեր եղբայրները, ամէն օրէն ճամբաներուն վրայ հալածուած են», ըսած է Հայր Ժոզէֆ Պաթուր Ֆիտելիսը, քահանայապետական բարեսիրական կազմակերպութեան ուղարկած Նիճերիոյ մէջ քրիստոնեաներու դէմ կատարուած հալածանքներու մասին նկարահանած տեսերիզին մէջ:
Նիճերիացի վարդապետը իր ցաւն ու մտահոգութիւնը յայտնած է նիճերիոյ մէջ քրիստոնեաներուն տխուր իրավիճակին գծով , նամանաւանդ, անցեալ 8 յունուարին, անյայտ անձերուն կողմէ առեւանգուած 8 նորընծաներուն համար:
Հայր Ժոզէֆ տեսերիզին մէջ նկատել տուած է, որ Նիճերիոյ մէջ քրիստոնեաներուն դէմ հալածանքները աշխուժացած են, անցեալ 26 դեկտեմբերին, 10 քրիստոնեաներուն դաժան մահապատիժի տեսերիզի տարածումէն ետք, որուն պատասխանատուութիւնը ստանձնած է Արեւմտեան Ափրիկէի մարզի այսպէս ըսուած «մահմետական պետութիւն» ահաբեկչական խմբաւորումը:
Հայր Ժոզէֆ կոչ ըրած է, խնդրելով Եւրոպական պետութիւններէն որ ամէն ջանք թափեն Նիրճերիոյ մէջ քրիստոնեաները պաշտպանելու համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ