Ասիոյ կաթողիկէ լրագրողները . «միասնաբար աւետելու համար Աւետարանի արժէքները:»
«Սինյիս Ասիա»ի կազմակերպութեամբ, Քուալա Լամփուրի մէջ տեղի ունեցած է աւելի քան 12 երկիրներէ ժամանած 18 կաթողիկէ լրագրողներուն միջեւ հանդիպում մը, որուն նիւթը եղած է Խաղաղութեան լրագրութիւնը ախտային մշակոյթի մը ներքեւ:
Հանդիպումի կեդրոնական նիւթ հանդիսացած է Կաթողիկէ հաղորդագրութեան մարտահրաւէրները, ընկերային եւ քաղաքական դժուարին կացութեան մէջ եւ ունի իբրեւ նպատակ Խթանել Աւետարանի արժէքները եւ պայքարիլ սուտ լուրերուն ընդդէմ :
Կաթողիկէ միջազգային կազմակերպութեան նախաձեռնութեամբ գումարուած հանդիպումի աւարտին կաթողիկէ լրագրողները համատեղ յայտարարութեամբ մը նշած են հետեւեալը.
«Պիտի հռչակենք բարի Լուրը, որովհետեւ մկրտեալներ ենք եւ առաքուած Տիրոջմէ: Պիտի մերժենք սխալ եւ սուտ լուրերու հրապարակումը եւ յանձնառու պիտի ըլլանք յարգելու աւետարանի ճշմարտութեան արժէքները՝ պարկեշտութեամբ, խոնարհութեամբ:
Նշենք, որ լրագրողներու հանդիպում նիւթը արձագանգն է ֆրանչիսկոս Պապին յառաջիկայ հոկտեմբեր ամիսը միսիոներական ամիս հռչակելուն, որուն նիւթն է «Մկրտեալներ եւ առաքուածներ. Քրիստոսին եկեղեցին աշխարհի մէջ առաքելութեան մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ