Ватыкан: прадстаўлена частка праграмы Юбілейнага года

Ян Глінскі

“Праз культурныя мерапрыемствы мы хочам абудзіць у свеце надзею”, – адначыў іерарх падчас прэзентацыі ў Ватыкане праграмы “Юбілей і культура”.

Арцыбіскуп Фізікела, якому Папа Францішак даручыў падтрыхоўку да Юбілейнага года, указаў на душпастырскі і паўсюдны характар гэтага перыяду, а таксама на ролю культурных мерапрыемстваў, якія яднаюць у сабе розум, веру і надзею. Музычная частка праграмы Юбілейнага года будзе праходзіць пад дэвізам “Гармонія надзеі”, а выставам будзе спадарожнічаць дэвіз “Адкрытае неба”.

“У бліжэйшыя месяцы ў Рыме адбудуцца тры важныя канцэрты. У нядзелю 28 красавіка ў касцёле святога Ігнацыя Лаёлы будзе выкананы славуты Messiah – адзін з найважнейшых твораў Гендэля. Чарговая сустрэча адбудзецца 3 лістапада ў аўдыторыі на вуліцы Канчыліац’ёнэ. Акадэмія святой Цэцыліі выканае Сімфонію №5 рэ мінор – твор для аркестра, напісаны Дзмітрыем Шастаковічам вясной 1937 года. Яна мала вядомая шырокай публіцы, але прамаўляе сваёй інтэнсіўнасцю, – сказаў арцыбіскуп Фізікела падчас прэс-канферэнцыі. – Трэцяя сустрэча адбудзецца непасрэдна перад адкрыццём Святых дзвярэй. 22 снежня ў касцёле святога Ігнацыя Лаёлы славуты папскі Хор Сікстынскай капэлы прадставіць паліфанічныя кампазіцыі Палестрыны, Перозі і Берталучы”.

Як адзначыў ватыканскі іерарх, “у святле сузірання таямніцы веры, якую праспявае хор, вядомы ва ўсім свеце”, будзе магчымасць перажыць дні, што папярэднічалі адкрыццю Юбілею.