Святы Пасад: створаны Цэнтр даследавання марыйных феноменаў
Аляксандр Амяльчэня - Vatican News
Новая структура зоймецца аналізам і інтэрпрэтацыяй розных выпадкаў, звязаных з Багародзіцай: аб’яўленнямі, слёзатачэннем ікон, унутранымі галасамі, стыгматамі і іншымі містычнымі феноменамі, якія адбываюцца ці ўжо адбыліся, але пакуль чакаюць пацвярджэння сапраўднасці з боку касцёльнай улады.
Кіраўніком Цэнтра прызначана сястра Даніэла дэль Гаўдыё, дацэнт эклезіялогіі і марыялогіі ў папскіх універсітэтах. Новая структура складаецца з кіруючага і цэнтральнага навуковага камітэтаў, у бліжэйшы час будзе створана аператыўная сетка мясцовых навуковых структур. Супрацоўнікі будуць выязджаць у тым ліку на месцы ў адпаведнасці з патрэбамі ці запытамі.
Інаўгурацыя новай структуры Святога Пасада адбудзецца 15 красавіка 2023 года ў сценах Папскай міжнароднай марыйнай акадэміі, у яе асноўнай рэзідэнцыі.
