Vatican for All: новы мабільны дадатак для няпоўнаспраўных

Аляксандр Амяльчэня - Vatican News

Людзі з абмежаванымі магчымасцямі камунікацыі і зроку змогуць атрымаць інфармацыю аб агульных аўдыенцыях і іншых папскіх мерапрыемствах. З дапамогай мовы жэстаў (італьянскай, англійскай і амерыканскай) і кантэнту, якім могуць карыстацца сляпыя і інваліды па зроку, праграма дазваляе атрымліваць актуальную інфармацыю пра Папу, Святы Пасад і Касцёл па ўсім свеце.

Праект Без выключэнняў пачаўся з паслання Urbi et Orbi на Вялікдзень 2021 года. Яго каардынатар – сястра Вераніка Данатэла, кіраўнік Нацыянальнай службы Канферэнцыі Біскупаў Італіі па душпастырстве людзей з абмежаванымі магчымасцямі. Рэалізацыя ініцыятывы стала магчымай дзякуючы супрацоўніцтву і фінансавай падтрымцы Pio Istituto dei Sordi з Мілана, Christian Blind Mission International, Freunde von Radio Vatikan і St. Francis Borgia Deaf Center з Чыкага.

Мабільны дадатак Vatican for All можна спампаваць бясплатна ў Google Play і Apple Store.