Пошук

Vatican News
Ілюстрацыйнае фота Ілюстрацыйнае фота  (AFP or licensors)

Святы Пасад стварыў фонд па вывучэнні этычнага складальніка AI

Рэалізуючы волю Пантыфіка, Святы Пасад стварыў фонд для вывучэння пытанняў штучнага інтэлекту з пункту гледжання яго этычнага выкарыстання.

Аляксандр Амяльчэня - Vatican News

Раней аб гэтым прасіў Францішка старшыня Папскай акадэміі жыцця, арцыбіскуп Вінчэнца Палья.

Фонд называецца renAIssance, што з'яўляецца спалучэннем слова "renesans" і англійскай абрэвіятуры AI (штучны інтэлект). Яго стварылі пасля падпісання ў Рыме ў лютым 2020 г. дэкларацыі аб этычным падыходзе да штучнага інтэлекту. Задачай структуры будзе шырокая папулярызацыя ідэй, змешчаных у гэтым дакуменце.

"Мы лічым, што з улікам прыходу гэтага вымярэння ў жыццё кожнага чалавека неабходна пацвердзіць этычную, адукацыйную і агульную прававую базу для штучнага інтэлекту", - сказаў арцыбіскуп Палья, якога цытуе ANSA. Ён дадаў, што "алгарытмы павінны мець і маральнае вымярэнне". "Не можна дазволіць дыктатуры новых тэхналогій і тым, хто імі валодае, рабіць што заўгодна", - сказаў ватыканскі іерарх.

Нагадаем, што ў лютым 2020 г. у Ватыкане праходзіў міжнародны семінар “Добры алгарытм. Штучны інтэлект: этыка, закон, здароўе”. Ён завяршыўся падпісаннем сумеснага Рымскага этычнага закліку – збору маральных прынцыпаў у сферы штучнага інтэлекту. Свае подпісы пад ім паставілі прадстаўнікі карпарацый Microsoft і IBM, Харчовай і сельскагаспадарчай арганізацыяй ААН (FAO) і Святога Пасаду.

Удзельнікі сустрэчы прыйшлі да высновы, што сёння існуе патрэба ў этычным алгарытме: трэба кадыфікаваць этычныя прынцыпы і нормы на зразумелай і зручнай машыне мове. Толькі так штучны інтэлект стане інструментам гуманізацыі свету.
 

20 мая 2021, 11:04