Пошук

Vatican News
Ілюстрацыйнае фота Ілюстрацыйнае фота 

Пантыфік ухваліў дэкрэты Кангрэгацыі па справах кананізацыі

Святы Айцец прыняў на аўдыенцыі 21 студзеня 2021 г. кардынала Марчэла Сэмерара, прэфекта Кангрэгацыі па справах кананізацыі, і ўхваліў дэкрэты, якія тычацца беатыфікацыйных спраў васьмі Слугаў Божых.

Першым з дакументаў прызнаецца мучаніцтва італьянскага святара, кс. Джавані Форназіні, які быў забіты з нянавісці да веры падчас Другой сусветнай вайны, у 1944 г.

Іншыя дэкрэты тычацца прызнання гераічнасці цнотаў. Гаворка ідзе пра двух італьянскіх святароў: кс. Мікэле Арканджэла Марыі Антоніа Вінці, памерлага ў 1943 г., і кс. Руджэра Марыі Капута, памерлага ў 1980 г.; анлійскую законніцу Элізабэт Проўт, заснавальніцу Кангрэгацыі Сясцёр Найсвяцейшага Крыжа і Мукі Нашага Пана Езуса Хрыста, памерлую у 1864 г.; італьянскага семінарыста Паскуале Канцы, памерлага ў 1930 г.; і трох свецкіх вернікаў: Санцьяга Масарнаў-і-Фэрнандэса, іспанца, памерлага ў 1882 г.; Адэле Баноліс, італьянку, заснавальніцу дабрачынных “Ініцыятыў дапамогі і сацыяльнага адкуплення”, памерлую ў 1980 г.; і Жэрома Лежона, француза, выбітнага ўрача-педыятра, першага старшыню Папскай акадэміі жыцця, памерлага ў 1994 г.
 

22 студзеня 2021, 09:38