Генсек Сінода пра душпастырства моладзі і пандэмію

Нагодай для інтэрв’ю з кардыналам Ларэнца Балдзісэры стала публікацыя кнігі французскай законніцы Наталі Бэкар “Дух Святы ўсё абнаўляе. Душпастырства маладых для моладзі” – арыгінальны погляд на душпастырства моладзі ў сучасным свеце. Яна выйшла ў Ватыканскім выдавецтве.

“Перш за ўсё, я хацеў бы падзякаваць усім тым маладым людзям, якія шмат працавалі ў якасці валанцёраў падчас пандэміі”, - сказаў кардынал. Моладзь была вельмі актыўнай у гэты драматычны для ўсяго чалавецтва момант гісторыі і прадэманстравала, што з’яўляецца не толькі будучыняй, але і сучаснасцю. Гэтая ідэя прагучала і на Сінодзе 2018 года, і ў паслясінадальнай адгартацыі Францішка. Сястра Наталі Бэкар прыводзіць канкрэтныя прыклады ў доказ гэтаму.

“Мы бачым, што рытм паволі аднаўляецца, і прагнозы на будучыню дазваляюць выказаць здагадку, што нам патрэбен уклад моладзі, калі мы хочам абнаўлення”, - лічыць кардынал Балдзісэры.

Перш за ўсё, трэба зразумець, дзе моладзь. У мінулым, растлумачыў іерарх, “у парафіі былі спартыўная пляцоўка, кінатэатр, настольны футбол... Але цяпер гэтага недастаткова. Маладыя людзі – на вуліцы. І менавіта туды трэба ісці, каб знайсці іх”.

, - сказаў галоўны арганізатар Сінодаў.

Кардынал Балдзісэры адзначыў важнасць духавенства ў душпастырстве, але заўважыў, што размаўляць пра Бога з маладымі людзьмі павінны іх аднагодкі: на вуліцу, на стадыён, у трэнажорную залу павінен пайсці малады чалавек, “які адчуў, што стаў іншым, і які хоча выказаць гэта і падзяліцца”.

Іерарх указаў на стратэгічную функцыю парафіі, якая можа дапамагчы моладзі вызначыцца ў жыцці. “Прыкладна ў 15 гадоў малады чалавек пачынае старанна думаць пра свой выбар на будучыню. І ён не заўсёды атрымлівае дастатковую падтрымку ад сваёй сям’і”, - заўважыў ён. Не толькі святар, але і маладыя свецкія вернікі могуць дапамагчы ў гэтым і стаць сапраўднымі місіянерамі.