“Laudato si’” – компас для будучыні пасля пандэміі

Сваю аўтарскую калонку на “Vatican News” Андрэа Тарніелі прымеркаваў да 5-годдзя энцыклікі “Laudato si’”, якое адзначалася 24 мая 2020 г. Паводле яго, юбілей – гэта нагода, каб задумацца тым, што было зроблена ў свеце дзякуючы гэтаму дакументу, а таксама паразважаць пра яго актуальнасць у сітуацыі барацьбы з пандэміяй каронавіруса.

Энцыкліка нагадвае пра ўзаемасувязь усяго на планеце: “не бывае экалагічнай праблемы, адарванай ад сацыяльнай”.

Энцыкліка – не плён настальгіі і не жадае вярнуць нас у даіндустрыяльную эпоху. Яна акрэслівае і апісвае працэсы самазнішчэння, выкліканыя пошукам хуткага прыбытку і абагаўленнем рынку. Корань экалагічнай праблемы заключаецца менавіта ў тым, што “існуе скажоны спосаб разумення жыцця і чалавечай дзейнасці, які супярэчыць рэчаіснасці, аж да яе знішчэння”, - нагадаў Тарніелі словы Францішка.

Крызіс, які мы перажываем па прычыне пандэміі, зрабіў усё гэта яшчэ больш відавочным:

У гэты напружаны момант малітвы аб заканчэнні пандэміі, што прымусіла нас абудзіцца кволымі і бездапаможнымі, Францішак нагадаў: мы пакліканы “выкарыстаць гэты момант выпрабаванняў, як час выбару паміж тым, што па-сапраўднаму мае значэнне і што прамінае; як час аддзялення таго, што неабходна, ад таго, што такім не з’яўляецца”.

“Laudato si’” вядзе нас да пераасэнсавання грамадства, дзе жыццё людзей – асабліва самых слабых – будзе знаходзіцца пад абаронай; дзе кожны будзе мець доступ да лячэння; дзе людзей ніколі не будуць спісваюць ва ўтыль; дзе прырода не будзе безразважна разграбляцца, але ахоўвацца і абараняцца для тых, хто прыйдзе пасля нас”, - падкрэсліў галоўны рэдактар ватыканскіх СМІ.