Пошук

Vatican News

Віцэ-прэзідэнт ЗША на аўдыенцыі ў Святога Айца

Францішак 24 студзеня 2020 г. прыняў Віцэ-прэзідэнта ЗША Майка Пэнса. Сустрэча доўжылася каля гадзіны. Пра змест размовы Зала Друку Святога Пасаду не паведаміла.

Пэнса суправаджалі: жонка Карэн і нявестка Сара, пасол ЗША пры Святым Пасадзе Каліста Гінгрыч і яе муж, былы старшыня Палаты прадстаўнікоў Ньют Гінгрыч.

Па словах журналістаў, прысутных у Апостальскім палацы, Віцэ-прэзідэнт ЗША перадаў Пантыфіку прывітанне ад Дональда Трампа і падарыў яму крыж, зроблены з галін дрэва, якое расце ў прэзідэнцкай рэзідэнцыі.

Францішак раней сустракаўся з Прэзідэнтам Трампам 24 мая 2017 г і Дзяржсакратаром Майкам Пампэа 3 кастрычніка 2019 г.

Папярэднім Віцэ-прэзідэнтам, які наведаў Ватыкан, быў Джо Байдэн – у 2011 г. ён сустракаўся з Бэнэдыктам XVI.

Навіна ў фармаце аўдыё
24 студзеня 2020, 15:16