Нунцый: экстрэмізм і папулізм знаходзяць плённую глебу ў Еўропе
Аляксандр Амяльчэня - Vatican News
У многіх краінах экстрэмісцкія і папулісцкія рухі сёння знаходзяць плённую глебу; “яны робяць пратэст цэнтральным элементам свайго палітычнага паслання”, застаючыся не зацікаўленымі ў агульным дабры, - адзначыў 4 верасня 2023 года ў Берліне арцыбіскуп Ноэл Трэйнар.
Сваімі разважаннямі ватыканскі дыпламат падзяліўся ў прамове на традыцыйным святочным прыёме, арганізаваным Каталіцкім Касцёлам Германіі для прадстаўнікоў рэлігіі, палітыкі, грамадства і бізнесу.
Асаблівай праблемай арцыбіскуп Трэйнар назваў распаўсюджванне дэзінфармацыі ў лічбавым фармаце. Гэта вядзе да страты даверу да дзяржавы і дэмакратыі.
Палітыка жывая важнымі дыскусіямі і рознымі ацэнкамі. Але яна губляе сваю актуальнасць, “калі мы больш не можам дамовіцца аб фактах, на падставе якіх нашы прадстаўнікі павінны прымаць рашэнні”. Кожны абавязаны абараняць дэмакратыю, і “мастацтва кампрамісу” з'яўляецца яго істотнай часткай, - заявіў прадстаўнік Святога Айца ў структурах Еўрапейскага Саюза.
