Святы 2025 год: улады Рыма скардзяцца на недахоп персаналу
Аляксандр Амяльчэня - Vatican News
Ужо цяпер не хапае інжынераў і архітэктараў для планавання будаўнічых работ і ўсё менш часу для іх правядзення.
Рым плануе маштабныя мерапрыемствы да Святога года. Чакаецца прыезд 45 мільёнаў пілігрымаў і турыстаў. Самы важны праект – падземны пераход насупраць Замка святога Анёла, які павінен ператварыць усю тэрыторыю ад Тыбра да Ватыкана ў пешаходную зону. Таксама давядзецца пабудаваць падземную аўтастаянку побач з Ватыканам і правесці рэканструкцыю плошчаў і вуліц вакол чыгуначнага вакзала Сан-П'етра. Акрамя таго, плануецца закупіць новыя чыгуначныя саставы і гарадскія аўтобусы, а таксама пабудаваць больш жылля для паломнікаў.
Па дадзеных газеты, каб завяршыць праекты і прадухіліць міграцыю ў прыватны сектар, адміністрацыя горада прапануе прэмію супрацоўнікам. Акрамя таго, муніцыпальныя ўлады вядуць перамовы з урадам аб фінансаванні занятасці на гэты выключны час. Тое ж датычыцца і супрацоўнікаў паліцыі.
Святы 2025 год пройдзе пад дэвізам Пілігрым надзеі. Цэнтральнымі элементамі юбілейнага года з'яўляюцца пілігрымка ў Рым, праходжанне праз Святыя дзверы ў базіліцы святога Пятра і атрыманне адпусту. У праграме таксама наведванне вялікіх бызілік Рыма.
У Каталіцкім Касцёле Святы год адзначаецца кожныя 25 гадоў, часам праводзяцца надзвычайныя Святыя гады. Апошні пазачарговы Год Міласэрнасці, абвешчаны Францішкам, праводзіўся са снежня 2015 года па лістапад 2016 года.
