Пошук

Vatican News
Аўдыенцыя для Дзяржсакратара ЗША Энтані Блінкена Аўдыенцыя для Дзяржсакратара ЗША Энтані Блінкена  (Vatican Media)

Францішак прыняў на аўдыенцыі Дзяржаўнага сакратара ЗША

28 чэрвеня 2021 г. Францішак прыняў на аўдыенцыі ў Ватыкане Дзяржаўнага сакратара ЗША Энтані Джона Блінкена, - паведаміў кіраўнік Залы Друку Апостальскай Сталіцы Матэа Бруні.

Аляксандр Панчанка – Vatican News

Адказваючы на пытанні журналістаў прадстаўнік Святога Пасаду заявіў, што аўдыенцыя адбылася ў сардэчнай атмасферы. Яна працягвалася каля 40 хвілін і стала для Папы нагодай, каб узгадаць пра падарожжа, якое ён здзейсніў у Злучаныя Штаты ў 2015 г., а таксама, каб выразіць прыхільнасць і пашану да жыхароў гэтай краіны.

Энтані Джон Блінкен займае пасаду Дзяржаўнага сакратара ЗША з 26 студзеня 2021 г. Ён стаў самым высокапастаўленым прадстаўніком Злучаных Штатаў, які наведаў Ватыкан з моманту абрання Джо Байдэна на пасаду Прэзідэнта гэтай краіны.
 

28 чэрвеня 2021, 12:08