Пошук

Vatican News
Ілюстрацыйнае фота Ілюстрацыйнае фота 

Епіскапат Японіі заклікаў цалкам адмовіцца ад атамнай энергіі

Японскія біскупы заклікалі цалкам адмовіцца ад выкарыстання атамнай энергіі. Гэта рашэнне стала рэакцыяй на трагедыю на атамнай станцыі ў Фукусіме, якая адбылася ў 2011 г.

На сайце Канферэнцыі Біскупаў Японіі быў апублікаваны зборнік пад назвай “Ліквідацыя атамнай энергіі: заклік Каталіцкага Касцёла ў Японіі”. У ім утрымліваюцца меркаванні міжнародных экспертаў аб наступствах атамнай катастрофы на Фукусіме, небяспеках, звязаных з валоданнем ядзернай зброяй, а таксама аналіз атамнай энергетыкі з этычнага і тэалагічнага пункту гледжання.

Спасылаючыся на энцыкліку Святога Айца “Laudato si’”, і словы, якія Папа прамовіў падчас візіту ў Японію, біскупы падкрэслілі, што поўная адмова ад атамнай энергетыкі – гэта адзін з самых важных пунктаў ураўнаважанага развіцця на Зямлі.

Японія – адзіная ў свеце краіна, якая спазнала разбуральныя наступствы ядзернай бамбардзіроўкі. На працягу апошніх дзесяцігоддзяў біскупы рэгулярна заклікаюць да пошуку альтэрнатыўных і бяспечных крыніц энергіі. Заклік да поўнай адмовы ад выкарыстання мірнага атаму стаў чарговым крокам у гэтым кірунку.

 

13 ліпеня 2020, 14:42