Францішак моліцца за ахвяр тэракту ў Самалі
Святы Айцец запэўніў у малітве за ахвяр тэракту ў Самалі. Адмысловы зварот ён зрабіў на заканчэнне сустрэчы з вернікамі на малітве “Анёл Панскі”, якая 29 снежня прайшла ў Ватыкане.
“Будзем прасіць Пана за ахвяр жудаснага тэрарыстычнага нападу, які здарыўся ўчора ў Магадышы, у Самалі, дзе падчас выбуху аўтабомбы былі забіты больш за 70 чалавек. Выказваю блізкасць да ўсіх членаў іх сем’яў і тых, хто аплаквае іх гібель”, - сказаў Папа.
Тэракт адбыўся 28 снежня 2019 г. На адной з ажыўленых вуліц самалійскай сталіцы ўзарваўся замініраваны аўтамабіль. Сярод ахвяр трагедыі як звычайныя грамадзяне, так і супрацоўнікі мясцовай паліцыі.
29 снежня 2019, 12:35
