Пошук

Vatican News
Ілюстрацыйнае фота Ілюстрацыйнае фота  (AFP or licensors)

Францішак просіць паклапаціцца пра ахвяр анамальнай спякоты

Пантыфік заклікаў не заставіць без увагі тых, хто пакутуе ад экстрэмальнай спякоты, якая пануе зараз у Еўропе. З адмысловым зваротам ён звярнуўся 30 чэрвеня 2019 г.

Сіноптыкі папярэдзілі, што ў гэтым годзе лета ў Еўропе стане самым гарачым з 2003 г. Прычыны пагоднай анамаліі – шторм у Паўночнай Атлантыцы і магутны антыцыклон, які ўсталяваўся ў Цэнтральнай Еўропе. Падобныя перыяды анамальнай спякоты на кантыненце ў апошнія гады значна пачасціліся па прычыне кліматычных змен, выкліканых глабальным пацяпленнем.

“Я малюся за тых, хто ў гэтыя дні больш за ўсё пацярпеў ад наступстваў спякоты: хворых, пажылых, асоб, якія вымушаныя працаваць на адкрытым паветры, на будаўнічых пляцоўках... Няхай ніхто не будзе пакінуты без увагі, няхай нікога не эксплуатуюць”, - сказаў Папа падчас сустрэчы з вернікамі на “Анёл Панскі”.

Перыяды анамальна гарачага надвор’я сіноптыкі называюць “бясшумнымі забойцамі”. У 2003 г. спякота забрала ў Еўропе 70 тыс. жыццяў, а гарачае лета мінулага года ў Германіі прывяло да смерці па меншай меры тысячы чалавек. На гэты раз, кажуць навукоўцы, ахвяр можа быць нават больш, паколькі лета толькі пачалося і многія еўрапейцы яшчэ не паспелі адаптавацца да высокіх тэмператур.

Навіна ў фармаце аўдыё
30 чэрвеня 2019, 12:13