Папа: спатрэбіцца час, каб вызначыць новага вікарыя Рымскай дыяцэзіі
Марыя Валодзіна – Vatican News
У суботу, 6 красавіка 2024 года, новым кіраўніком Апостальскай пенітэнцыярыі быў прызначаны кардынал Дэ Данаціс, які з 2017 года быў Генеральным вікарыем для Рымскай дыяцэзіі і архіпрэзбітэрам папскай базілікі Святога Яна на Латэране.
Як гаворыцца ў паведамленні вікарыята на сайце Рымскай дыяцэзіі, “з прычыны далікатнасці пасады кардынала-вікарыя” Францішак папярэдзіў біскупаў аб тым, што яму спатрэбіцца час, каб вызначыць, хто будзе выконваць гэтую ролю. Святы Айцец заклікаў біскупаў “працягваць пастырскае служэнне і распачатую раней адміністрацыйную дзейнасць”.
У адпаведнасці з артыкулам 14 § 3 апостальскай канстытуцыі In Ecclesiarum Communione аб арганізацыі Рымскага вікарыяту, на пераходным этапе, да таго часу пакуль пасада вікарыя застаецца вакантнай, усе яго функцыі і паўнамоцтвы, у тым ліку і юрыдычнае прадстаўніцтва, будуць ажыццяўляцца яго намеснікам, біскупам Бальдасарэ Рэйнай.
