Папа: не ўжываць імя Бога для апраўдання нянавісці і забойстваў
Аляксандр Панчанка – Vatican News
“Зноў заклікаю спыніць выкарыстанне рэлігіі для распальвання нянавісці, насілля, экстрэмізму і сляпога фанатызму, а таксама спыніць ужыванне імя Бога для апраўдання забойстваў, выгнанняў, тэрарызму і прыгнёту”, - напісаў Пантыфік у сацыяльнай сетцы X (былы Twitter), суправадзіўшы сваё кароткае пасланне хэштэгам #AgainstReligiousViolence.
Міжнародны дзень памяці ахвяр актаў насілля на аснове рэлігіі або перакананняў быў устаноўлены Генеральнай Асамблеяй ААН у маі 2019 года.
Францішак прывітаў гэта рашэнне міжнароднай супольнасці, адзначыўшы: “І сёння шматлікіх хрысціян забіваюць і пераследуюць па прычыне іх любові да Хрыста. Яны аддаюць жыццё моўчкі, таму што пра іх мучаніцтва не кажуць. Сёння больш хрысціянскіх мучанікаў, чым у першыя стагоддзі”.
