Крыжовы шлях з удзелам Папы. Прамая трансляцыя

Аляксандр Амяльчэня - Vatican News

Разважанні і малітвы да чатырнаццаці стацый Крыжовага шляху, які пасля двухгадовай паўзы, звязанай з пандэміяй, зноў пройдзе ў рымскім Калізеі, сёлета падрыхтавалі сем’і. Такое даручэнне зрабіў Папа з нагоды пятай гадавіны публікацыі Апостальскай адгартацыі Amoris laetitia і Года сям’і, абвешчанага ў Касцёле. Таксама сем’і будуць несці крыж ад стацыі да стацыі.

У Вялікую пятніцу, калі ўзгадваецца Мука Пана, Касцёл, згодна са старадаўняй традыцыяй, не ўдзяляе ніякіх сакрамэнтаў, акрамя пакаяння і намашчэння хворых. У другой палове дня цэлебруецца літургія Мукі Пана, цэнтральнай часткай якой з’яўляецца адарацыя святога Крыжа.

Прамую трансляцыю Крыжовага шляху з Калізею будуць весці ватыканскія СМІ. Яна пачнецца ў 21.00 па рымскім часе.