Святы Айцец пакінуў Кіпр і накіраваўся ў Грэцыю
Аляксандр Панчанка – Vatican News
Пантыфік пачаў дзень з цэлебрацыі св. Імшы ў капліцы Апостальскай нунцыятуры ў Нікасіі. Затым, развітаўшыся з персаналам дыпламатычнага прадстаўніцтва, ён адправіўся ў Міжнародны аэрапорт Ларнакі, у 50-ці кіламетрах ад сталіцы Кіпра. Тут прайшла афіцыйная цырымонія развітання. Правесці Папу прыбыў Прэзідэнт Кіпра Нікас Анастасіядзіс.
Самалёт А320 грэчаскай авіякампаніі Aegean Airlines вылецеў з Ларнакі ў Афіны ў 8.30 па мясцовым часе. Палёт будзе працягвацца гадзіну і сорак хвілін. За гэты час ён пераадолее ў паветры 895 кіламетраў.
Пакідаючы Кіпр Францішак скіраваў развітальную тэлеграму, у якой выказаў кіраўніцтву і насельніцтву гэтай краіны шчырую падзяку за цёплы прыём, запэўніваючы ў сваёй малітве аб міры і росквіце для яе.
Святы Айцец знаходзіўся на Кіпры з 2 снежня. За два дні візіту ён сустрэўся з мясцовым каталіцкім духавенствам і вернікамі, палітычным кіраўніцтвам, прадстаўнікамі грамадзянскай супольнасці і дыпламатамі, Архіепіскапам Кіпрскім Хрызастомам ІІ і членамі Сінода Кіпрскай Праваслаўнай Царквы, узначаліў цэлебрацыю св. Імшы з вернікамі Кіпра, а таксама правёў экуменічную малітву з удзелам мігрантаў. Папярэдзім Папам, які наведаў Кіпр, быў Бэдэндыкт XVI. Ён быў на востраве ў 2010 г.
