Пошук

Vatican News
Кс. Майкл МакГіўні Кс. Майкл МакГіўні  (This item may be protected by copyright. Not to be reproduced without permission of the Knights of Columbus. All rights reserved)

Святы Айцец: наследаваць прыклад заснавальніка “Рыцараў Калумба”

Францішак нагадаў, што 31 кастрычніка 2020 г. у ЗША адбылася беатыфікацыя кс. Майкла МакГіўні, дыяцэзіяльнага святара і заснавальніка каталіцкай дабрачыннай арганізацыі “Рыцары Калумба”.

“Займаючыся евангелізацыяй, ён не шкадаваў сябе, спяшаючыся на дапамогу патрабуючым, спрыяючы ўзаемнай падтрымцы. Няхай яго прыклад стымулюе ўсіх нас усё больш і больш сведчыць аб Евангеллі міласэрнай любові”, - сказаў Пантыфік пасля малітвы “Анёл Панскі”, якая 1 лістапада 2020 г. прайшла на плошчы св. Пятра ў Ватыкане.

Майкл МакГіўні нарадзіўся ў 1852 г. у амерыканскім Уотэрбэры, у сям’і ірландскіх імігрантаў, і быў першым з 13-ці дзяцей. У выніку ён стаў вельмі вядомай постаццю ў Каталіцкім Касцёле ЗША XIX ст. У 2008 г. Бэнэдыкт XVI абвясціў яго Слугой Божым, а 27 мая 2020 г. Францішак ухваліў Дэкрэт аб прызнанні цуду, які адбыўся ў 2015 г. праз заступніцтва гэтага святара.

“Рыцары Калумба” (Knights of Columbus) – гэта міжнародная арганізацыя мужчын-католікаў. Яны працуюць у многіх краінах свету і аб’ядноўваюць у сваіх шэрагах каля 2 млн чалавек. Іх прынцыпамі з’яўляюцца міласэрнасць, адзінства, братэрства і патрыятызм.
 

01 лістапада 2020, 13:52