Пошук

Vatican News
Стоп-кадр з папскага відэа Стоп-кадр з папскага відэа 

Малітоўная інтэнцыя Папы: “не” раскраданню рэсурсаў планеты

Маліцца аб справядлівым выкарыстанні рэсурсаў планеты заклікаў Францішак, абвяшчаючы сваю малітоўную інтэнцыю на верасень 2020 г. Адмысловы відэаролік з яго ўдзелам выпусціла Сусветная сетка малітвы.

“Мы выціскаем рэсурсы планеты. Выціскаем іх так, нібыта гаворка ідзе пра апельсін. Краіны і прадпрыемствы Поўначы абагаціліся, эксплуатуючы прыродныя рэсурсы Поўдня, стварыўшы “экалагічны доўг”. Хто аплаціць гэты доўг?”, - спытаў Папа.

Святы Айцец падкрэсліў, што “экалагічны доўг” расце, калі наднацыянальныя кампаніі робяць за межамі сваіх краін тое, што ў іх краінах не дазволена, і назваў гэта абуральным.

“Сёння – не заўтра, а сёння! – мы павінны пачаць з адказнасцю клапаціцца пра стварэнне. Будзем маліцца аб тым, каб рэсурсы планеты не раскрадаліся, але, каб імі дзяліліся ў духу справядлівасці і павагі. “Не” – раскраданню, “так” – дзяленню”, - падкрэсліў Пантыфік.

Відэа-ролік з удзелам Папы
31 жніўня 2020, 13:14