Пошук

Vatican News
Электраровар, ахвяраваны Святым Айцом Электраровар, ахвяраваны Святым Айцом 

Францішак ахвяраў электраровар для дабрачыннага аўкцыёну

Святы Айцец ахвяраваў электрычны ровар для дабрачыннага аўкцыёну, арганізаванага для збору сродкаў на пілігрымку ў Лурд дзяцей з анкалагічнага аддзялення каталіцкага шпіталя “Джэмэлі” у Рыме.

Электраровар вядомай італьянскай маркі Piaggio быў перададзены дабрачыннай арганізацыі UNITALSI, арганізатару аўкцыёна, якая спецыялізуецца на пілігрымках няпоўнаспраўных у санктуарыі.

Некалькі тыдняў таму Францішак ахвяраваў на дабрачынныя мэты ўнікальны брэндзіраваны гоначны ровар колераў ватыканскага і аргентынскага сцягоў, які яму падарыў шматразовы чэмпіён свету па веласпорце Пэтэр Саган. Двухколавая машына была прададзена за 30 тыс. еўра. Выручаныя сродкі пайшлі на патрэбы бальніцы імя Яна XXIII у Бергама і медустановы Fondazione Poliambulanza ў Брэшыі, якія прынялі на сябе галоўны ўдар падчас барацьбы з каронавірусам у Італіі.

Пантыфік наведваў анкалагічнае аддзяленне “Джэмэлі” і сустракаўся з яго пацыентамі 31 мая 2013 г.
 

25 чэрвеня 2020, 11:27