Пошук

Vatican News

Францішак маліўся за памерлых медыкаў і святароў

Маліцца за медыкаў і святароў, якія аддалі жыццё падчас служэння людзям ва ўмовах пандэміі, - заклікаў Папа падчас ранішняй Эўхарыстыі, якую 3 мая 2020 г. цэлебраваў у Ватыкане.

“Праз тры тыдні пасля Уваскрасення Пана, сёння, у IV Велікодную нядзелю, Касцёл адзначае Нядзелю Добрага Пастыра, Езуса Добрага Пастыра. Гэта мяне наводзіць на думку пра шматлікіх пастыраў, якія ва ўсім свеце аддаюць жыццё за вернікаў, таксама падчас гэтай пандэміі. Іх шмат. Тут, у Італіі, іх памерла больш за сотню. Я думаю таксама пра іншых пастыраў, якія клапоцяцца пра дабро людзей, пра медыкаў. Пра медыкаў і тое, што яны робяць, гавораць, але мы павінны ўсвядоміць, што толькі ў Італіі падчас выканання свайго служэння памерла 154 медыцынскіх работніка. Няхай прыклад гэтых пастыраў святароў і пастыраў медыкаў дапаможа нам клапаціцца пра святы верны Божы народ”, - сказаў ва ўступе да літургіі Пантыфік.

На заканчэнне св. Імшы Пантыфік правёў кароткую Эўхарыстычную адарацыю і ўдзяліў благаслаўленне Найсвяцейшым Сакрамэнтам, заклікаючы вернікаў, якія прымалі ўдзел у св. Імшы, дзякуючы трансляцыі ватыканскіх СМІ, да духоўнай св. Камуніі.
 

03 мая 2020, 08:09