Пошук

Vatican News
Папа падчас агульнай аўдыенцыі. Ілюстрацыйнае фота Папа падчас агульнай аўдыенцыі. Ілюстрацыйнае фота  (ANSA)

Пантыфік: Бог вылівае свой Дух на нас, калі мы служым іншым

Францішак заклікаў пілігрымаў, якія 21 жніўня 2019 г. сабраліся на агульнай аўдыенцыі, падтрымліваць словам і справай бліжніх, якія знаходзяцца ў патрэбе.

“Дарагія браты і сёстры, ваша паломніцтва ў Рым, да магіл апосталаў і святых, – гэта магчымасць па-новаму ўсвядоміць іх сведчанне і навучыцца жыць у адданасці Хрысту і братам у духу камуніі любові. І вы давайце прыклад чуласці і братэрскай шчодрасці праз канкрэтныя жэсты абмену з тымі, хто мае патрэбу”, - сказаў Папа ў ватыканскае Зале Паўла VI.

Пантыфік нагадаў, што сам Езус вучыць, што дапамога тым, хто мае патрэбу, – гэта дапамога Яму. “Адкрыйце свае сэрцы, каб дазволіць сабе пранікнуцца Святым Духам і ісці па шляхах любові, якія вядуць да братоў”, - заклікаў ён. Францішак перакананы, што “Пан гатовы выліць свой Дух жыцця на нас, калі мы шчыра гатовыя служыць іншым”.

Папа пажадаў удзельнікам агульнай аўдыенцыі “радаснага і прыемнага адпачынку ў Вечным горадзе”.

Навіна ў фармаце аўдыё
21 жніўня 2019, 11:27