Cerca

Vatican News
Папа Францішак. Ілюстрацыйнае фота Папа Францішак. Ілюстрацыйнае фота 

Папа салідарны з ахвярамі злоўжыванняў у Польшчы

Францішак салідарны з ахвярамі сексуальных злоўжыванняў у Польшчы, паведаміў часовы кіраўнік Залы Друку Апостальскай Сталіцы Алесандра Джызоці, адказваючы на пытанні журналістаў.

“Нунцый у Польшчы, арцыбіскуп Сальваторэ Пэнак’ё, выказаў блізкасць і салідарнасць Святога Айца да ахвяр злоўжыванняў”, - сказаў афіцыйны прадстаўнік Апостальскай Сталіцы.

У чэрвені 2019 г. у Польшчу накіруецца арцыбіскуп Мальты і дапаможны сакратар Кангрэгацыі Веравучэння Чарльз Шыклюна, які мае вялікі досвед у барацьбе супраць злоўжыванняў у Касцёле. Ён быў запрошаны Канферэнцыяй Біскупаў Польшчы.

У Касцёле і ў грамадстве ў Польшчы шырокі рэзананс выклікаў фільм, зняты двума журналістамі, братамі Томашам і Маркам Сэкельскімі, які называецца “Толькі нікому не кажы” і апавядае пра праблему выкарыстання непаўналетніх духоўнымі асобамі.

Навіна ў фармаце аўдыё
17 мая 2019, 15:25