Cerca

Vatican News
Папа ўручае ўзнагароду сястры Марыі Канчэце Эсу Папа ўручае ўзнагароду сястры Марыі Канчэце Эсу  (Vatican Media)

Святы Айцец выказаў падзяку італьянскай місіянерцы

Пантыфік выказаў падзяку італьянскай місіянерцы, сястры Марыі Канчэце Эсу, з кангрэгацыі Сясцёр св. Юзафа з Героні, якая на працягу амаль 60-гадоў працуе на афрыканскім кантыненце.

На заканчэнне агульнай аўдыенцыі, Францішак прывітаў 85-гадовую законніцу і паведаміў вернікам, што меў магчымасць пазнаёміцца з сястрой Марыяй падчас свайго Апостальскага падарожжа ў Цэнтральнаафрыканскую Рэспубліку. Манахіня тады распавяла Пантыфіку, што працуе акушэркай і дапамагла прыйсці на свет каля тром тысячам дзяцей.

На знак любові і падзякі за працу, якую “здзяйсняе сярод братоў і сясцёр у Афрыцы, служачы жыццю, дзецям, маці, сем’ям”, Пантыфік уручыў місіянерцы ордэн.

“Праз гэты жэст у адносінах да цябе прагну выказаць маю ўдзячнасць усім місіянерам, святарам, манахам і свецкім вернікам, якія сеюць зерні Божага Валадарства па ўсім свеце. Ваша праца – цудоўная! Ахвяруйце сваім жыццём, сеючы Божае слова праз сведчанне... Хоць у нашым свеце гэта не з’яўляецца навіной для першых палос газет”, - з жалем заўважыў Папа.

Францішак запэўніў сястру Марыю Канчэту ў сваёй малітве і пажадаў, каб яе прыклад дапамагаў іншым па-сапраўднаму жыць Евангеллем.
 

27 сакавіка 2019, 11:52