Пантыфік да моладзі: Марыя – гэта “агент уплыву” Бога

Святы Айцец звярнуўся да моладзі, што сабралася на полі імя св. Яна Паўла ІІ, на ўскраіне панамскай сталіцы, з падбадзёрваючым пасланнем, шырока карыстаючыся лексікай, уласцівай сацыяльным СМІ.

Сустрэча з Богам – гэта “гісторыя любові”, якая не мае нічога супольнага з “cloud”, “app” і “tutorial”. Жыццё, “якое нам дорыць Езус – гэта гісторыя любові, гісторыя жыцця, якое жадае змяшацца з нашым і пусціць карані на глебе кожнага чалавека. Гэта жыццё не захавана ў “воблаку”, у чаканні, што будзе спампавана, не з’яўляецца новым “аплетам”, з якім трэба пазнаёміцца, альбо разумовым практыкаваннем, плёнам тэхнік асабістага росту”, сказаў Папа. Яно таксама не з’яўляецца “tutorial”, з дапамогай якога можна навучыцца чамусьці новаму.

, - падкрэсліў Пантыфік.

Францішак перакананы, што Марыя – гэта жанчына, якая мела самае вялікае значэнне ў гісторыі. “Дзяўчына з Назарэта не з’яўлялася ў “сацыяльных сетках” свайго часу, не была “агентам уплыву”, але, не жадаючы і не імкнучыся да гэтага, стала жанчынай з найбольшым уплывам у гісторыі. Марыя – гэта “агент уплыву” Бога. З дапамогай некалькіх слоў, яна здолела сказаць “так” і даверыцца любові і абяцанням Бога, адзінай сіле, здольнай абнавіць усё”, - дадаў Святы Айцец.

Падчас вігілійнага чування прагучала некалькі сведчанняў. Адна сужэнская пара падзялілася перажываннямі, якія мела, калі даведалася, што будзе мець дзіця з інваліднасцю. “Свет існуе не толькі для моцных”, - сказаў Папа. Ён параўнаў рашэнне бацькоў прыняць і любіць гэтае дзіця з рашэннем Панны Марыі, якая таксама пагадзілася ўдзельнічаць у задуме любові Бога.

, - сказаў Папа.

Гэта значыць “прыняць нашу Айчыну, нашы сем’і, нашых сяброў, такімі, якія яны ёсць, нават з іх уразлівасцю і нязначнасцю. Прыняцце жыцця праяўляецца таксама, калі прымаем усё тое, што не з’яўляецца дасканалым, чыстым і беззаганным, але нават у такой сітуацыі не менш годным любові”.

, - спытаў Папа.

Пантыфік нагадаў, што Езус прымаў пракажонных, паралізаваных, фарысеяў і грэшнікаў. Ён прыняў злодзея, укрыжаванага побач з Ім,  прыняў і прабачыў тых, хто ўкрыжаваў Яго самаго. “Чаму? Таму што толькі тое, што любяць, можа быць збаўлена”, - падкрэсліў Святы Айцец.

Францішак зазначыў, што “любоў Пана большая за ўсе нашы супярэчнасці, слабасці і мізэрнасці, але менавіта праз нашы супярэчнасці, слабасці і мізэрнасці Ён прагне пісаць нашу гісторыю любові”.

Папа выказаўся таксама ў абарону сучаснай моладзі. “Як лёгка крытыкаваць моладзь і праводзіць час наракаючы, калі пазбаўляем яе магчымасці працаваць, вучыцца, ствараць супольнасць, за якую могуць зачапіцца і марыць пра будучыню!”, - сказаў ён. Паводле Францішка без працы, без адукацыі, без супольнасці і без сям’і жыццё маладога чалавека не мае каранёў і становіцца засохлым. “Гэтыя чатыры “без” – забіваюць”, - дадаў ён.

У праграму вігілійнага чування былі ўключаны тэатралізаваныя і музыкальныя нумары. Між іншых перад удзельнікамі буйнейшага форума каталіцкай моладзі выступіла знакамітае італьянскага трыа “Il Volo”.