Бэта версія

Cerca

Vatican News
Завяршэнне экуменічнай малітвы ў інтэнцыі міру на Блізкім Усходзе ў Бары Завяршэнне экуменічнай малітвы ў інтэнцыі міру на Блізкім Усходзе ў Бары  (AFP or licensors)

Святы Айцец: няма альтернатывы міру на Блізкім Усходзе

“Няхай Блізкі Усход больш не будзе шляхам вайны паміж кантынентамі, але шляхам міру, гасціннага ў адносінах да народаў і веравызнанняў”, – пажадаў Святы Айцец.

Па выніках прыватнага дыялогу з Патрыярхамі Усходніх Цэркваў, які адбыўся апоўдні 7 ліпеня 2018 г. у базыліцы св. Мікалая ў Бары, Францішак пераканаўча сцвердзіў, што ўначы “Блізкага Усходу ў агоніі” мір можа быць дасягнуты “сапраўднай гатоўнасцю да выслухоўвання і дыялогу”, а не “перамір’ямі, забяспечанымі мурамі”, ці “выпрабаваннямі сілай”.

Паводле Святога Айца, не існуе альтернатывы міру ў гэтым рэгіёне. Выказваючы пажаданне, каб “культура сустрэчы пераважала над стратэгіямі сутычак”, Францішак настойліва запрасіў ператвараць “крыкі вайны ў мірныя спевы”.

“Для гэтага важна, каб тыя, хто надзелены ўладай, нарэшце прысвяцілі сябе сапраўднаму служэнню на карысць міру, а не ўласных інтарэсаў. Хопіць выгады нямногіх за кошт многіх іншых! Хопіць захопаў тэрыторыі, якія мучаць народы! Хопіць пераважання праўды асобных над надзеяй народа! Хопіць выкарыстоўваць Блізкі Усход у мэтах заробку!”

– заклікаў Папа.

Ад “язвы” вайны пакутуюць, у першую чаргу, бедныя людзі, працягнуў ён, нагадаўшы “скатаваную Сірыю”. Па словах Францішка, “вайна – дачка ўлады і беднасці. Яна перамагаецца праз адмаўленне ад логікі панавання і выкараненне галечы”.

Нельга казаць пра мір, употайкі працягваючы нястрымную гонку ўзбраенняў. Гэта вельмі вялікая адказнасць, якая ўскладаецца на сумленне нацый, асабліва найбольш магутных, перасцярог Святы Айцец.

“Не будзем забываць мінулае стагоддзе, будзем памятаць урокі Хірасімы і Нагасакі, не дазволім землям Усходу ператварыцца ў цёмныя прасторы цішыні,”

– пажадаў Святы Айцец. Сярод абавязковых умоў, патрэбных для гэтага, ён назваў абавязак бараніць правы рэлігійных меншасцяў і прызнаваць статус-кво Ерузаліма.

На Блізкім Усходзе надзея мае дзіцячае аблічча, выказаў перакананне Папа.

“Вочы празмерна вялікай колькасці дзяцей большую частку свайго жыцця бачылі кучы абломкаў замест школ, чулі глухое грамыханне бомбаў замест вясёлай гаманы падчас гульняў. Чалавецтва, пачуй, – прашу цябе, – крык дзяцей, чые вусны абвяшчаюць Божую радасць. Высушыўшы іх слёзы, свет верне сваю годнасць,”

– завяршыў сваю прамову Папа.

У другой палове дня Святы Айцец развітаўся з удзельнікамі экуменічнай малітоўнай сустрэчы ў інтэнцыі міру на Блізкім Уходзе і каля 16.00 вылецеў назад у Ватыкан.

Навіна ў фармаце аўдыё
07 ліпеня 2018, 15:41