Папа пра існаванне “пандэміі” голаду, войнаў, непісьменнасці
У гаміліі Папа спаслаўся на чытанне з Кнігі прарока Ёны, у якім апавядаецца пра пакаянне жыхароў Нінівы. Яны паслухалі голасу прарока, навярнуліся і такім чынам змаглі ўратаваць свой горад ад разбурэння, здолелі збавіцца ад “маральнай пандэміі”, - заўважыў Папа.
Святы Айцец нагадаў, што 14 мая вернікі ўсіх веравызнанняў далучыліся да малітвы, посту і пакаяння ў інтэнцыі спынення пандэміі каронавіруса.
, - сказаў Пантыфік.
Францішак заўважыў, што пандэмія прыйшла нечакана, і цяпер шмат людзей памірае ў адзіноце і бездапаможнасці. Ён заклікаў не паддавацца эгаізму, думаючы толькі пра сваю бяспеку, але памятаць і пра іншых людзей.
“Падумаем пра трагедыю, пра эканамічныя наступствы, пра наступствы, якія маем цяпер і якія будуць потым”, - дадаў Папа.
Святы Айцец заўважыў, што знойдуцца людзі, якія будуць крытыкаваць ініцыятыву, называючы яе праявай недапушчальнага рэлігійнага рэлятывізму.
, - патлумачыў Папа.
Францішак звярнуў увагу на існаванне іншага роду пандэміі. Яна таксама вядзе да гібелі людзей, толькі гэтага ніхто не заўважае. “Мы не зусім усведамляем існаванне гэтых трагедый у свеце ў наш час. На працягу чатырох першых месяцаў гэтага года ад голаду памерлі 3,7 мільёнаў чалавек”, - заўважыў Папа. Ён нагадаў пра існаванне “пандэміі” вайны і адсутнасці доступу да адукацыі.
“Няхай Бог спыніць гэту трагедыю, няхай спыніць гэту пандэмію. Няхай Бог злітуецца над намі і спыніць таксама і іншыя, не менш смяротныя віды пандэміі: голад, войны, непісьменнасці сярод дзяцей. Будзем прасіць аб гэтым як браты, усе разам. Няхай Бог благаславіць усіх нас і змілуецца над намі”, - сказаў на заканчэнне гаміліі Святы Айцец.