Папа: мы не зносім Божага святла, калі знаходзімся ў стане граху

У гаміліі Папа спаслаўся на сённяшняе Евангелле (Ян 3, 16-21), у якім Езус кажа Нікадэму: “Бо так палюбіў Бог свет, што аддаў Сына свайго Адзінароднага, каб кожны, хто верыць у Яго, не загінуў, але меў жыццё вечнае. Бо не паслаў Бог Сына свайго ў свет, каб судзіць свет, але каб свет быў збаўлены праз Яго”. Ён адзначыў, што кожны раз, калі мы глядзім на крыж, знаходзім гэтую любоў, бо крыж – цудоўная кніга Божай любові.

, - звярнуў увагу Пантыфік.

Францішак спаслаўся на думку св. Паўла, які тлумачыць, што ўсе развагі чалавека, карысныя толькі ў пэўнай ступені, сапраўдным і найпрыгажэйшым спосабам мыслення, тлумачэннем усяго з’яўляецца ўкрыжаваны Хрыстус.

Папа спаслаўся на словы: “А суд у тым, што святло прыйшло на свет, але людзі больш палюбілі цемру, чым святло, бо ўчынкі іхнія былі дрэннымі”. Ён заўважыў, што ёсць людзі, якія не могуць жыць у святле, бо прызвычаіліся да цемры. Святло іх асляпляе, гэта людзі-кажаны, могуць функцыянаваць толькі ўначы.

, - заўважыў Святы Айцец.

Папа дадаў, што адной з прыкмет гэтага з’яўляецца шырокая карупцыі: “Карумпаваныя людзі не ведаюць, што такое святло”.

“Няхай Божая любоў, якая паслала Езуса дзеля нашага збаўлення, і святло, якое Ён прыносіць, святло Духа, увойдзе ў нас і дапаможа нам убачыць рэчы ў Божым святле, у сапраўдным святле, а не ў цемры, якую нясе ўладар цемры”, - пажадаў Францішак.