Касцёл у Балівіі пачаў праект алічбоўкі парафіяльных архіваў

Марыя Валодзіна - Vatican News

Распачаты ў вікарыяце Панда, праект паступова распаўсюдзіцца на ўсю Балівію. Для палягчэння доступу да дакументаў іх пераносяць на лічбавую платформу з дапамогай праграмнага забеспячэння Ecclesiared. 

Мэта праекта – мадэрнізацыя адміністрацыйных працэсаў Касцёла, павышэнне іх эфектыўнасці і магчымасці лепш абслугоўваць вернікаў у эпоху лічбавых тэхналогій.

Біскуп Котэр, апостальскі адміністратар Рэеса, падкрэсліў, што пераход у лічбавы фармат палепшыць абслугоўванне супольнасцяў, дазваляючы парафіянам лёгка атрымліваць любыя даведкі, эканомячы час і грошы.

Акрамя таго, праект дапаможа Касцёлу Балівіі захаваць сваю багатую спадчыну шляхам стварэння лічбавых копій парафіяльных архіваў.