Канстанцінопаль: візіт дэлегацыі Святога Пасада
Дэлегацыя Святога Пасада знаходзіцца ў гэтыя дні з візітам на Фанары, у рэзідэнцыі Патрыярха Канстанцінопальскага Барталамея І.
Аляксандр Амяльчэня - Vatican News
У рамках абмену дэлегацыямі на святы святых апекуноў, 29 чэрвеня ў Рыме на ўрачыстасць святых Пятра і Паўла і 30 лістапада ў Стамбуле на ўрачыстасць святога Андрэя, кардынал Курт Кох зноў узначальвае дэлегацыю Святога Пасада на сёлетняе свята Канстанцінопальскага Патрыярхату.
Прэфекта Дыкастэрыі спрыяння хрысціянскаму адзінству суправаджаюць біскуп Браян Фарэл, сакратар гэтай ватыканскай установы, ксёндз Андрэа Палміеры, яе падсакратар, а таксама арцыбіскуп Марэк Салчынскі, апостальскі нунцый у Турцыі і Азербайджане.
29 лістапада 2023, 10:21
