Пошук

Vatican News
Фрагмент фрэскі Усе святыя. Ілюстрацыйная выява Фрагмент фрэскі Усе святыя. Ілюстрацыйная выява  (© BAV, Vat. sir. 559, f.93v)

Францішак ухваліў дэкрэты Кангрэгацыі па справах кананізацыі

Папа прыняў на аўдыенцыі 22 мая 2021 г. кардынала Марчэла Сэмерара, прэфекта Кангрэгацыі па справах кананізацыі, і ўхваліў дэкрэты, якія тычацца беатыфікацыйных спраў сямі Слуг Божых.

Аляксандр Амяльчэня - Vatican News

Першым з дакументаў прызнаецца мучаніцкая смерць Марыі Рывас Лопэс, вядомай як Агучыта, з манаскай Кангрэгацыя Маці Божай Міласэрнасці Добрага Пастыра, якую забілі з нянавісці да веры ў перуанскай Ла-Флорыдзе 27 верасня 1990 г.

Іншыя шэсць ухваленых Францішкам дэкрэтаў тычацца прызнання гераічнасці цнотаў. Гаворка ідзе пра: італьянскага дыяцэзіяльнага святара Фелічэ Канэлі (1880-1977); польскага законніка з Кангрэгацыі Мук Езуса Хрыста, айца Бернарда ад Маці Божай Бэл’Аморэ (1915-1945); іспанца, айца Марыяна Гаспіа Эскуру, з Ордэна Аўгустыніянцаў Рэкалектаў (1899-1989); італьянскую манахіню Каломбу ад Езуса Ахвяры, настаяцельніцу кляштару св. Тэрэзы Ордэна Кармэлітак Босых (1914-1969); італьянку Антонію Лезіна, з свецкага інстытута Малая францішканская сям'я (1897-1962); венгра Сандара Балінта, свецкага верніка, бацьку сям'і (1904-1980).

Даты правядзення беатыфікацыйных абрадаў звычайна паведамляюцца пазней.
 

22 мая 2021, 12:40