СДМ у Лісабоне адкрыты для ўсіх маладых людзей

“Дні арганізуе Каталіцкі Касцёл па ініцыятыве Папы для моладзі. Мы вельмі хацелі б бачыць не толькі католікаў, але і іншых маладых людзей, бо менавіта так Касцёл выконвае сваю місію”, - адзначыў іерарх у размове з журналістамі ў Фаціме.

Падчас 200-й пленарнай асамблеі біскупскай канферэнцыі іерархі даведаліся пра стан падрыхтоўкі да СДМ, якія першапачаткова павінны былі адбыцца ў 2022 г., але былі перанесены на год з прычыны пандэміі. "Гэта было рэалістычным рашэннем", - адзначыў біскуп Арнэлас. Ён дадаў, што ўдзельнікам лісабонскага форуму трэба будзе прайсці вакцынацыю супраць COVID-19.

Сусветныя дні моладзі былі ініцыяваны Янам Паўлам II пасля поспеху рымскіх урачыстасцей Міжнароднага года моладзі ў 1985 г. Першы форум прайшоў у Рыме ў 1986 г., апошні – у Панаме ў 2019 г.