Пошук

Vatican News
Ілюстрацыйнае фота Ілюстрацыйнае фота  (ANSA)

Еўрапейскі іерарх пра форму касцёльнага жыцця пасля пандэміі

Пандэмія, якая атручвае наша жыццё, ставіць пытанне аб выжыванні такой формы Касцёла, якую мы ведалі да гэтага часу, - такое меркаванне выказаў арцыбіскуп Люксембурга, кардынал Жан-Клод Олерыш.

У велікапосным пастырскім лісце іерарх звярнуў увагу на тое, што ў пандэмію парафіяльнае жыццё практычна перастала існаваць, катэхеза адбываецца толькі часткова, праца касцёльных аб'яднанняў паралізавана. “Мы ўсе пакутуем у гэтай сітуацыі і не можам прыняць яе”, - адзначыў іерарх, заклікаючы глядзець глыбей, каб “не выпусціць з-пад увагі сутнасць нашага хрысціянскага жыцця: адданасць Езусу Хрысту”.

Такім чынам, мы павінны выкарыстаць гэты час, каб выпрацаваць "новы і радасны погляд на веру". Кардынал Олерыш прапанаваў пачаць з "жыватворнага паслання Хрыста, разважання над Яго смерцю і ўваскрасеннем, святкавання гэтага з радасцю". Такім чынам зразумеем, што "мы не можам заставацца інертнымі".

Іерарх паставіў у прыклад св. Юзафа, “аднаго з першых вучняў Езуса” і “чалавека дзеяння”, які вучыць, што значыць “па-новаму глядзець на веру”.

Касцёл, які "шчыра дзень за днём выбірае наследаванне Хрыста”, не загіне, - запэўніў старшыня Камісіі Біскупскіх Канферэнцый Еўрапейскай Супольнасці (COMECE).
 

23 лютага 2021, 12:28