Новы Лацінскі Патрыярх Іерусаліма

Італьянскі францішканін Піцабала працаваў у Кустодыі Святой Зямлі з 1999 г. Быў душпастырам католікаў яўрэйскай мовы і патрыяршым вікарыем. У маі 2004 г. быў абраны Кусташам Святой Зямлі і ахоўнікам гары Сіён. 24 чэрвеня 2016 г. Святы Айцец прызначыў яго Апостальскім адміністратарам Іерусалімскай дыяцэзіі.

Лацінскі Патрыярхат Іерусаліма быў створаны ў выніку Першага крыжовага паходу ў 1099 г., але пазней спыніў сваё існаванне ў канцы XIII ст. Быў адноўлены 23 ліпеня 1847 г. папам Піем IX. Да снежня 1987 г. гэтую касцёльную адзінку ўзначальвалі еўрапейцы, у асноўным італьянцы, за імі прыйшлі два мясцовыя Патрыярхі: арцыбіскуп Мішэль Сабах (1987-2008) і арцыбіскуп Фуад Туаль (2008-16). Юрысдыкцыя Патрыярхату распаўсюджваецца на католікаў лацінскага абраду. Паводле падлікаў, у Ізраілі, Палестыне, Іарданіі і на Кіпры пражывае каля 293 тыс. рыма-католікаў.

Калі арцыбіскуп Піцабала быў прызначаны Апостальскім адміністратарам, Лацінскі Патрыярхат быў на мяжы банкруцтва, доўг складаў больш за 100 млн долараў ЗША. Ён здолеў выправіць сітуацыю.