Пошук

Vatican News
Ілюстрацыйнае фота Ілюстрацыйнае фота 

Біскупы краін Еўрасаюза: Fratelli tutti – натхняльная энцыкліка

Камісія Біскупскіх Канферэнцый Еўрапейскай Супольнасці (COMECE) высока ацаніла новую энцыкліку Францішка Fratelli tutti. Падкрэсліваецца, што гэта “компас, які можа стаць карысным для палітыкаў”.

У дакуменце паказаны “шлях да інтэгральнага чалавечага развіцця” і “крокі, неабходныя для трансфармацыі эканамічнай і палітычнай сістэм праз адкрытасць, дыялог, прыхільнасць, салідарнасць, справядлівасць, клопат пра агульны дом, садзейнічанне агульнаму дабру і падтрымку бедных і адрынутых”.

Пантыфік моцна акцэнтуе канцэпцыю аб’яднанай Еўропы, прадугледжаную бацькамі-заснавальнікамі Еўрасаюза, - заявіў генеральны сакратар COMECE, кс. Мануэль Барыас Прыета. Ён запэўніў, што папскі дакумент стане натхненнем для працы біскупаў у бліжэйшыя гады.

Энцыкліка – гэта “заклік да новага спосабу перажывання міжасобасных адносін – не толькі на паперы, не толькі на словах, але і праз нашу паўсядзённую дзейнасць, у прыватным, грамадскім, прафесійным жыцці, якая выходзіць за рамкі сацыяльных, культурных і рэлігійных падзелаў”, - падкрэсліў святар. Ён адзначыў, Езус першым звярнуў увагу на гэта ў прыпавесці пра Добрага Самараніна, а св. Францішак засведчыў падчас сустрэчы з султанам аль-Малік аль-Камалем у 1219 г.

Fratelli tutti (Усе браты) – гэта трэцяя энцыкліка Францішка. Яна прысвечана тэмам братэрства і сацыяльнага сяброўства. Была падпісана 3 кастрычніка 2020 г. у Асізі.
 

22 кастрычніка 2020, 13:26