Пошук

Vatican News
Народны мемарыял у Курапатах. Ілюстрацыйнае фота Народны мемарыял у Курапатах. Ілюстрацыйнае фота  (AFP or licensors)

Старшыня епіскапату Беларусі: як не цяпер, то калі!

Арцыбіскуп Тадэвуш Кандрусевіч спаслаўся на складаную грамадска-палітычную сітуацыю ў Беларусі і заклікаў распачынаць перамены ад духоўнага пераўтварэння.

“У гэты складаны час” беларусы з надзеяй глядзяць у будучыню, - заўважыў іерарх. “Трэба распачаць ад перабудовы нас саміх. І гэта адбудзецца, калі мы скажам “так” Богу, “так” Божаму закону, “так” духу Евангелля, “так” правам чалавека, “так” годнасці кожнага чалавека”, - заўважыў старшыня епіскапату Беларусі 22 жніўня 2020 г. у Браславе.

“Наша гісторыя, наша будучыня ў нашых руках. Давайце выкарыстаем гэты шанец, распачынаючы ад перамены саміх сябе. Бо як не мы, то хто. Як не цяпер, то калі!”

, - сказаў іерарх.

Вернікі Беларусі разам з Багародзіцай паўтараюць сваё “так”, “каб у сучаснасці Бацькаўшчыны заззяла святло Божай ласкі, святло Евангелля, святло праўды, святло любові да бліжняга, каб брат ніколі не падымаў руку супраць брата”, - падкрэсліў арцыбіскуп, завяршаючы ўрачыстасць Маці Божай Валадаркі Азёраў.

“Пакажы яшчэ раз, што ты з’яўляешся нашай Маці! Пакажы яшчэ раз, што ты кожнага з нас ахінаеш сваім плашчом!”, - звярнуўся з малітвай да Маці Божай старшыня Канферэнцыі Біскупаў Беларусі.
 

22 жніўня 2020, 11:56