Малітва перад Турынскай плашчаніцай у Вялікую суботу
Турынская Архідыяцэзія на поўначы Італіі абвясціла, што ў Вялікую суботу арцыбіскуп Чэзарэ Назілья ўзначаліць малітву ў капліцы архікатэдры св. Яна Хрысціцеля, дзе захоўваецца Турынская плашчаніца.
Набажэнства будзе трансліравацца ў прамым эфіры на італьянскім тэлебачанні і ў інтэрнэце.
Турынская плашчаніца – гэта льняное палатно, якім, паводле традыцыі, пасля смерці на крыжы было абвіта цела Хрыста. Характар і размяшчэнне слядоў на ёй адпавядаюць апісанню ран Збаўцы ў Евангеллі. Плашчаніца вельмі рэдка выстаўляецца для публічнага ўшанавання.
Падчас візіту ў Турын у 2010 г. Бэнэдыкт XVI назваў Турынскую плашчаніцу “іконай Вялікай суботы”.
06 красавіка 2020, 11:19
