Cerca

Vatican News
Папа Францішак. Ілюстрацыйнае фота Папа Францішак. Ілюстрацыйнае фота 

Папа моліцца за місіянерку, забітую ў ЦАР

Папа запэўніў у малітве аб вечным супакоі для іспанскай місіянеркі, сястры Інэс Нэвес Санча, якая некалькі дзён таму была забіта ў Цэнтральнаафрыканскай Рэспубліцы.

“Я хацеў бы разам з вамі ўзгадаць 77-гадовую сястру Інэс Нэвес Санча, выхавальніцу бедных дзяўчат на працягу дзесяцігоддзяў, якая была варварскі забіта ў Цэнтральнаафрыканскай Рэспубліцы, у тым самым месцы, дзе вучыла дзяўчат шыццю. Гэта чарговая жанчына, якая аддала сваё жыццё Езусу, служачы ўбогім. Памолімся за яе разам...”, - заклікаў Папа на заканчэнне агульнай аўдыенцыі, якая 22 мая 2019 г. прайшла ў Ватыкане.

Сястра Інэс Нэвес Санча прыналежала да невялікай манаскай супольнасці Сясцёр Езуса. 21 мая яе знявечанае цела было знойдзена ў вёсцы Нола, на паўднёвым усходзе Цэнтральнаафрыканскай Рэспублікі, дзе яна займалася евангелізацыйнай дзейнасцю.

Навіна ў фармаце аўдыё
22 мая 2019, 13:27