Бэта версія

Cerca

Vatican News
Верніца падчас беатыфікацыі бл. Марыі Фэлісіі ад Езуса Сакрамэнтальнага Верніца падчас беатыфікацыі бл. Марыі Фэлісіі ад Езуса Сакрамэнтальнага  (AFP or licensors)

Пантыфік падкрэсліў сведчанне парагвайскай благаслаўлёнай

Святы Айцец падкрэсліў сведчанне новай парагвайскай благаслаўлёнай і заклікаў моладзь наследаваць прыклад яе веры і жыцця.

Падчас сустрэчы з вернікамі на малітве “Анёл Панскі”, якая прайшла 24 чэрвеня 2018 г. на плошчы св. Пятра ў Ватыкане, Францішак заўважыў, што ў Парагваі адбылася беатыфікацыя сястры Марыі Фэлісіі ад Езуса Сакрамэнтальнага, з Ордэну Кармэлітанак Босых.

“Жывучы ў першай палове ХХ стагоддзя, яна з энтузіязмам далучылася да руху “Каталіцкая акцыя”, апекавалася старымі людзьмі, хворымі і вязнямі. Гэты багаты апостальскі досвед, які падтрымліваўся штодзённай Эўхарыстыяй, прывёў яе да пасвячэння Пану. Яна памерла ў 34-гадовым узросце, у спакоі прымаючы хваробу. Сведчанне гэтай маладой благаслаўлённай з’яўляецца заклікам да ўсіх юнакоў і дзяўчат, асабліва парагвайскіх, каб пражыць жыццё з велікадушнасцю, спакоем і радасцю”, - сказаў Папа.

Урачыстую беатыфікацыйную св. Імшу, якая 23 чэрвеня 2018 г. прайшла ў парагвайскім горадзе Асунсьён, узначаліў прэфект Кангрэгацыі па справах Кананізацыі, кардынал Анджэла Амата. 

Відэасюжэт аб новай благаслаўлёнай
Навіна ў фармаце аўдыё
24 чэрвеня 2018, 14:11