የህንድ ዲያቆናት ሚዲያን ለወንጌል መስበኪያነት እንዴት መጠቀም እንዳለባቸው ስልጠና ወሰዱ።

  አቅራቢ ዘላለም ኃይሉ ፥ አዲስ አበባ

ከቅዱስ ጴጥሮስ ጳጳሳዊ ተቋም የተውጣጡ አርባ ዲያቆናት በቅርቡ በህንድ የካቶሊክ ጳጳሳት ጉባኤ የተጀመረ የ 4 ቀን የሚዲያ ሥልጠና መርሃ ግብር ወስደዋል።
ይህ ከሃገረ ስብከቶች የመገናኛ ማእከል ጋር በመተባበር የተሰጠው ስልጠና በህንድ ሃገር ፥ በፓላና ባቫና ግዛት ስር በምትገኘው በባንጋሎር ከተማ በሚገኘው ኤቭ ስቱዲዮ ተካሂዷል።
ይህ ስልጠና የተካሄደው ከነሐሴ 17-20 2015 ዓ.ም. ድረስ ሲሆን በስልጠናው የተሳተፉት ሁሉም ዲያቆናት የክህነት ትምህርት የመጨረሻ ደረጃ ላይ የነበሩ ሲሆን ፥ ስልጠናውም የሃዋሪያዊ ዲፕሎማ ኮርስ አካል ነበር።

ሥልጠናው ያካተታቸው ትምህርቶች

የስልጠናው ኮርስ ስርዓተ ትምህርት ‘ዘመናዊ የክርስቲያን ይቅርባይነት’ ትምህርቶችን ጨምሮ የተለያዩ ርዕሰ ጉዳዮችን አካቷል። በመገናኛ ብዙሃን ውጤታማ ወንጌላውያን መሆን፣ ሚዲያን ከቤተክርስቲያን ሥነ ስርዓቶች ጋር ማስተባበር፣ የዲጂታል ሚዲያ ተልዕኮ፣ የሲቪል ኮሙኒኬሽን መርሆዎች እና የህዝብ ግንኙነት እንደ ስትራቴጂካዊ መረጃ ለ21ኛው ክፍለ ዘመን የሚሉት ጭብጦችም የስልጠናው አካል ነበሩ።
በተጨማሪም በተቀደሰ ሃይማኖታዊ የዕለት ተዕለት ሕይወት ውስጥ ያሉ የሚዲያ ልማዶች፣ የንድፍ አስተሳሰብ፣ እና ውጤታማ የሚዲያ አገልግሎት ግብዓቶችን መለየት የድርጊት መርሃ ግብሮችን ለማዘጋጀት የሚረዱ ርዕሶችም በስልጠናው ተሸፍነዋል።
ስልጠናው የምስል እና የድምጽ ሚዲያዎች ጨምሮ በተግባራዊ ልምምዶች የታገዘ ትምህርት ተሰጥቷል።
የህንድ የካቶሊክ ጳጳሳት ጉባኤ ምንጊዜም የምሥራቹን ቃል ለማሰራጨት እና የቤተክርስቲያኗን ስራዎች በተለያዩ የሚዲያ መሳሪያዎች ለማስፋፋት ይተጋል። በሕዝብ ግንኙነት ውስጥ የሥልጠና መርሃ ግብሮች ከካቶሊኮች ሚና ጋር በተያያዙ ርዕሰ ጉዳዮች ላይ ተወያይተዋል።
በጋዜጣዊ መግለጫው መሠረት ዲያቆናቱ በተለያዩ የመገናኛ ብዙኃን መሣሪያዎች ስለ ጌታችን ኢየሱስ ክርስቶስ ለብዙ ሰዎች በአዲስ የፈጠራ መንገድ እንዲናገሩ ተነሳስተው ነበር። እንዲሁም ወጣት ታዳሚዎችን ወደ ክርስቶስ ለማቅረብ እና በፈጠራ የሚዲያ ይዘት ለማሳተፍ የተለያዩ መንገዶችን ለመዳሰስ ተነሳስተው ነበር።
ስልጠናው የግል እና ተቋማዊ የንግድ ምልክቶችን በመገንባት ለሙያዊ ምቹ የስራ አካባቢን በማዘጋጀት ላይ አስተምሯቸዋል።

የተማሪዎቹ ምስክርነቶች

የታንጃቩር ሀገረ ስብከት የተማሪዎች ተወካይ እንደተናገረው “ይህ ኮርስ ከዓለም ጋር ተስማምተን እንድንኖር እና ጌታችን ኢየሱስ ክርስቶስ ከዚህ ቀደም እንዳደረገው ሰውን የመድረስ ችሎታችንን ያጎላበተ ነበር። እንደሚታወቀው ቀደም ባሉት ጊዜያት ለሕዝብ የሚሆን የኅትመትም ሆነ የኤሌክትሮኒክስ ሚዲያ አልነበረም” ብሏል።
"በዛሬው የከፍተኛ የቴክኖሎጂ ሚዲያ ዓለም እያንዳንዱ ሃይማኖታዊ እና መንፈሳዊ ድርጅት የሚዲያ ሽፋን ይፈልጋል ፥ አልፎ ተርፎም ሃሳባቸውን ለማሰራጨት የበለጠውኑ ይጠቀሙብታል” ሲል ዲያቆን ኤ. ዋልተር ተናግሯል።
ከቺክማጋሉር ሀገረ ስብከት የተወከለው ዲያቆን በበኩሉ “ከካሜራው ፊት ለፊት መሆን በጣም አስደሳች ነገር ነበር ፤ እንዴት መቆም እንዳለብህ ፣ የእጅ ምልክቶችን እንዴት እንደምንጠቀም እና የአቀማመጥ ሥነ ስርዓቶችን እንድናውቅ ረድቶናል” ብሏል። በማከልም “እንዲሁም ካሜራው ፊት እና ዲጂታል ውይይቶች ላይ የመጋፈጥ ፍርሃታችንን ለማሸነፍ እንድንችል ረድቶናል” በማለት ከስልጠናው ያገኘውን ጥቅም ተናግሯል።
ዲያቆናቱ ከተለያዩ የአገሪቱ ክፍሎች የመጡ ሲሆን የሰርቪውያን፣ ክላሬቲያን እና የቤዛ ሃይማኖት ጉባኤዎችም ነበሩበት።
ከተለያዩ ቡድኖች የተውጣጡ ግለሰቦች የስልጠናውን ውጤታማነት በማጎልበት ረገድ የዓለም አቀፍ የካቶሊክ ኮሙኒኬሽን ማህበር (SIGNIS) ያደረገው ድጋፍ በህንድ የካቶሊክ ጳጳሳት ጉባኤ ሚዲያ ክፍል ትልቅ እውቅና ተሰጥቶታል።