ለሲኖዶሳዊ ቤተ ክርስቲያን መንገዱን መጥረግ፡ አጠቃላይ ልምድ

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

በአንድነትና በማሰላሰል መንፈስ የጳጳሳት ሲኖዶስ ጠቅላላ ጉባኤ ረቡዕ መስከረም 23/2016 ዓ.ም ጀምሯል፤ ይህም ወደ ሲኖዶሳዊ ቤተ ክርስቲያን ጉዞ መንገዱን አስቀምጧል። የስብሰባው የመጀመሪያ 'ሰነድ' ወይም ክፍል፣ እስከ ቅዳሜ ማለዳ ድረስ የሚቀጥል እና ስለ ሲኖዶሳዊ ቤተ ክርስቲያን እንደ አንድ ጠቃሚ ተሞክሮ አጠቃላይ ግንዛቤን ለመስጠት ያለመ ሲሆን በቀጣይ ክፍሎች ፍሬያማ ውይይቶችን ለማድረግ መሰረት ይጥላል።

የሰነዱ አስፈላጊነት

ብፁዕ ካርዲናል ዣን ክላውድ ሆለሪች በመግቢያ ንግግራቸው የዚህን የመጀመሪያ ሰነድ አስፈላጊነት ላይ አጽንኦት ሰጥተዋል። በዝግጅቱ በሙሉ ውይይቶቻቸውን ከሚመራው ሲኖዶሳዊ ዘዴ ጋር ለማጣጣም አስፈላጊ የሆነውን ከማሞቅ ልምምድ ጋር አመሳስለውታል። በተጨማሪም ይህ ክፍል የወደፊት ሰነዶች የሚገነቡበት መሠረት ሆኖ ያገለግላል።

ካርዲናል ሆለሪች አጠቃላይ እይታን በመጠበቅ እና ተግባራዊ እርምጃዎችን በመለየት መካከል ያለውን ስስ ሚዛን አስረድተዋል። የዚህን ሚዛናዊነት አስፈላጊነት የሚያጎላ የዝግጅቱ መመሪያ ሰነድ የሆነውን በላቲን ቋንቋ ‘Instrumentum laboris” ን (የድርጊት መርሃ ግብር) ጠቅሷል። "በጉባዔው ስራ ወቅት ያለን ቁርጠኝነት አጠቃላይ እይታን በመጠበቅ እና ተግባራዊ እርምጃዎችን በመለየት መካከል ተለዋዋጭ ሚዛን እንዲኖር ማድረግ ነው" ብለዋል።

ለጉዞው በመዘጋጀት ላይ

ለዚህ ጉዞ ለመዘጋጀት ብፁዕ ካርዲናል ሆሌሪች እንዳሉት ከሆነ ባለፉት ሁለት ዓመታት ውስጥ ሁሉም ተሰብሳቢዎች በተለያዩ ኃላፊነቶች የሲኖዶሱን መንገድ መጀመራቸውን አጽንኦት ሰጥተው የእግዚአብሔርን ሕዝብ የጋራ ትውስታ አቅርበዋል። ምንም እንኳን የየራሳቸው ተሳትፎ ምንም ይሁን ምን ተሳታፊዎች ይህንን የጋራ ትውስታ ውስጥ እንዲገቡ እና ልምዶቻቸውን እንዲያስቡ ይበረታታሉ።

የዚህን የመነሻ ሰነድ አስፈላጊነት በማጉላት ለማስተዋል የሚረዳ ቁልፍ ጥያቄ አቅርበዋል፡- “እያንዳንዳችን ከምንገኝበት አጥቢያ አብያተ ክርስቲያናት ጉዞ ጀምሮ እና በላቲን ቋንቋ ከ Instrumentum Laboris (የሥራ መርሃ ግብር) ይዘት ጀምሮ የሲኖዶሳዊ ቤተ ክርስቲያንን የሚያሳዩ ምልክቶች የበለጠ ግልጽ በሆነ መንገድ ይወጣሉ። እና የትኛው የበለጠ እውቅና ይገባዋል ወይንስ በተለይ ጎልቶ ሊወጣ ወይም ሊሰመርበት የሚገባው? ብለን መጠየቅ ይኖርብናል ብሏል።

ይህ ጥያቄ ተሳታፊዎች የራሳቸውን ሲኖዶሳዊ ጉዞ እንዲመረምሩ እና በውይይቱ ወቅት ግንዛቤዎችን እና ስጋቶችን እንዲያካፍሉ እንደ መመሪያ ሆኖ ያገለግላል። ካርዲናል ሆለሪች ተሰብሳቢዎች ሐቀኛ እንዲሆኑ እና ስለ ሐሳባቸው ግልጽ እንዲሆኑ አበረታተዋል።

ወደ ፊት መመልከት

በትናንሽ ጥረጴዛዎ ዙሪያ በመከፋፈል በሚደርገው ስብሰባ ውስጥ በሚቀጥለው ቀን የሚደረጉትን እንቅስቃሴዎች ወደፊት በመመልከት፣ “በመንፈስ ውስጥ የሚደረግ ውይይት” የሚለውን ዘዴ የገለጹ ሲሆን ይህ ዘዴ የጋራ ጸሎትን፣ የግል ነጸብራቅን እና ማሰላሰልን ያካትታል፣ ይህም ተሳታፊዎች በጋራ መግባባት ውስጥ እንዲሳተፉ ያስችላቸዋል። እያንዳንዱ ተሰብሳቢ በጣም ጠቃሚ የሆነ ግንዛቤያቸውን ለመግለፅ አራት ደቂቃ ብቻ ስለሚኖረው ጥልቅ ዝግጅት እንደሚያስፈልግ አጽንኦት ሰጥቷል።

በመጨረሻም፣ ከሉቃስ ወንጌል፣ በተለይም በኤማሁስ መንገድ ላይ የነበሩትን የደቀ መዛሙርት ታሪክ መነሳሻን በማሳየት፣ ካርዲናል ሆለሪች ተሰብሳቢዎች ተስፋ እና የብስጭት ጊዜያት ቢፈጠሩም ወደ ተግባሩ በተስፋ እና በጋለ ስሜት እንዲቀርቡ አበረታተዋል።