ር.ሊ.ጳ ፍራንችስኮስ እውነትን በማሳደድ ሂደት ላይ እምነትን እና ሳይንስን አስማምታችሁ ተጓዙ አሉ!

የእዚህ ዝግጅት አቅራቢ መብራቱ ኃ/ጊዮርጊስ-ቫቲካን

ርዕሰ ሊቃነ ጳጳሳት ፍራንችስኮስ ሐሙስ ዕለት ሰኔ 13/2016 ዓ.ም በቫቲካን በስፔኮላ ሁለተኛ ጉባኤ ላይ ተሳታፊዎችን አነጋግረዋል፣ ይህም “’ብላክ ሆል’ (ምንም ነገር ወይም ጨረር ሊያመልጥ የማይችል የስበት መስክ ያለው የጠፈር ክልል)፣ የስበት ሞገዶች እና የጠፈር ጊዜ ነጠላ አሀዳዊ ጉዳዮች” በሚል መሪ ሃሳብ ላይ ያተኮረ  ጉባሄ ነው።

ቅዱስ አባታችን የሳይንቲስቶች ኮንፈረንስ መስራች ለሆኑት ሊቀ ጳጳስ ጆርጅ ሌማይትር ክብር በመስጠት ለተገኙት ሁሉ ሞቅ ያለ አቀባበል አድርገውላቸዋል።

ርዕሠ ሊቃነ ጳጳሳት ፍራንችስኮስ የቤልጂየም ቄስ እና የኮስሞሎጂ ባለሙያ ሳይንሳዊ እሴት በአለም አቀፉ የስነ ፈለክ ሕብረት እውቅና መሰጠቱን ጠቁመው "ታዋቂው የሃብል ህግ ይበልጥ በትክክል የሃብል-ለማይቲ ህግ (የሃብል ህግ፣ እንዲሁም ሃብል–ለማይትሬ ህግ በመባል የሚታወቀው፣ ጋላክሲዎች ከርቀታቸው ጋር በተመጣጣኝ ፍጥነት ከምድር እየራቁ መሆናቸውን በፊዚካል ኮስሞሎጂ ውስጥ መታዘብ ነው) ተብሎ እንዲጠራ ተወስኗል ብለዋል።

ሳይንቲስቶቹ “በኮስሞሎጂ ውስጥ በሳይንሳዊ ምርምር የቀረቡ የቅርብ ጊዜ ጥያቄዎች” ላይ ክርክር ለማድረግ በተሰበሰቡበት ወቅት፣ ርዕሰ ሊቃነ ጳጳሳት ፍራንችስኮስ “ቤተክርስቲያኗ ለእንዲህ ዓይነቱ ምርምር ትኩረት ሰጥታ ትንቀሳቀሳለች፣ ምክንያቱም የዘመናችን ወንዶች እና ሴቶች ስሜታዊነት እና ማስተዋል እንዲኖራቸው ስለሚረዳ” በማለት ተናግሯል።

በመቀጠልም የአጽናፈ ሰማይ ጅምር፣ የመጨረሻ ዝግመተ ለውጥ እና የጠፈር እና የጊዜ አወቃቀሩ “የሰው ልጆች እራሳቸውን ሊያጡ በሚችሉበት ሰፊ ሁኔታ ውስጥ በትርጉም ፍለጋ እንደሚጋፈጡ አጉልቶ አሳይቷል። በመዝሙራት፣ ከሌሎች ነገሮች በተጨማሪ፣ እነዚህ መሪ ሃሳቦች ለሥነ-መለኮት፣ ለፍልስፍና፣ ለሳይንስ እና እንዲሁም ለመንፈሳዊ ሕይወት የተለየ ፋይዳ እንዳላቸው ገልጿል።

ለዚህ ዓይነተኛ ምሳሌ የሚሆነን ቅዱስ አባታችን እንደ ገለጹት ከሆነ ቄስ እና ሳይንቲስት ብለው የገለጹት ጆርጅ ለማይተር “ሰውና መንፈሳዊ ጉዞ ሁላችንም የምንማርበትን የሕይወት አርአያ የሚወክል ነው” ሲሉ የገለጹ ሲሆን “ሳይንስ እና እምነት ሁለት የተለያዩ እና ትይዩ መንገዶችን ይከተላሉ፣ በመካከላቸውም ግጭት የለም ሲሉ ተናግረዋል።

እንዲያውም፣ ርዕሰ ሊቃነ ጳጳሳት ፍራንችስኮስ በመቀጠል፣ “እነዚህ መንገዶች እርስ በርሳቸው ሊስማሙ ይችላሉ፣ ምክንያቱም ሁለቱም ማለትም ሳይንስ እና እምነት፣ ለአማኝ፣ በእግዚአብሔር ፍጹም እውነት ውስጥ አንድ ዓይነት ድርድር አላቸው” ሲሉ ተናግረዋል።

ርዕሠ ሊቃነ ጳጳሳት ፍራንችስኮስ ንግግራቸውን ሲያጠናቅቁ በቦታው የተገኙት ሳይንቲስቶች በሚወያዩባቸው ጉዳዮች ላይ በታማኝነት እና በትሕትና መንፈስ እርስ በርስ መፋጠማቸውን እንዲቀጥሉ ጋብዘዋል። "በዚህ ኮንፈረንስ ላይ እያጋጠማችሁ ያለው ነፃነት እና የማመቻቸት እጦት በእናተ መስክ ወደ እውነት እንድትሄዱ ይርዳችሁ፣ ይህም በእርግጥ ከእግዚአብሔር በጎነት የመነጨ ነው” ብለዋል። በመጨረሻም "እምነት እና ሳይንስ በበጎ አድራጎት ውስጥ ሊጣመሩ የሚችሉት በዘመናችን ለወንዶች እና ለሴቶች አገልግሎት እንዲውሉ ነው” ሲሉ አክለው ተናግረዋል።