ርዕሰ ሊቃነ ጳጳሳት ፍራንችስኮስ የዘመናችን መንገደኞች ጎረቤቶች እንሁን ማለታቸው ተገለጸ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ሐሙስ እለት ጥቅምት 8/2016 ዓ.ም ምሽት ላይ ርዕሰ ሊቃነ ጳጳሳት ፍራንችስኮስ የስደተኞችን እና የጥገኝነት ጠያቆዎች ችግር እና የመዳን ጥሪን በማስታወስ ቁስላቸውን ለመፈወስ እና በወንድማማችነት እና በሰላም የተከበረች የተሻለ አለምን ለመገንባት ህብረተሰቡ የበኩላቸውን አስተዋጽኦ ለማበርከት የጸሎት መርሀ-ግብር መርተዋል።

ርዕሰ ሊቃነ ጳጳሳቱ ከካሜሩን፣ ዩክሬን እና ኤል ሳልቫዶር የተውጣጡ ስደተኞችን በማሳተፍ የተቀናጀ የሰው ልጅ ልማትን ለማስተዋወቅ በተቋቋመው የቅድስት መንበር ጽሕፈት ቤት የተዘጋጀውን "የስደተኞች እና የጥገኝነት ጠያቂዎች የጸሎት ጊዜ" መርተዋል።

ዝግጅቱ የተካሄደው በቅዱስ ጴጥሮስ አደባባይ “ድንገተኛ መላዕክት” ተብሎ በሚጠራው ትልቅ በነሐስ እና በሸክላ የተሠራ በሰው ህይወት መጠን ያለው ቅርፃቅርፅ ከተለያዩ ባህላዊ እና ዘር የተውጣጡ እና ከተለያዩ ታሪካዊ ወቅቶች የመጡ ስደተኞች እና ጥገኝነት ጠያቂዎች በሚያሳይ ምስል አጠገብ ነበር የተካሄደው።

ርዕሰ ሊቃነ ጳጳሳቱ በተለያዩ የፍልሰት መንገዶች ህይወታቸውን ያጡትን ሁሉ ለማስታወስ የዝምታ ጊዜን ባሳዩበት አጭር የጸሎት ጊዜ አንዳንድ አስተያየቶችን አካፍለዋል።

ርዕሠ ሊቃነ ጳጳሳቱ ከሉቃስ ወንጌል ንባብ የተሰማውን የደጉ ሳምራዊ መሪ ሃሳብ በማስታወስ፣ ምሳሌው ከተዘጋው ወደ ክፍት ዓለም፣ ጦርነት ካለበት ዓለም ወደ ሰላም እንዴት እንደምንሄድ ያሳየናል ብለዋል።

ርዕሠ ሊቃነ ጳጳሳት ፍራንችስኮስ በቅዱስ ጴጥሮስ አደባባይ “ለደተኞች እና ጥገኝነት ጠያቂዎች ጸሎት ባደረጉበት ወቅት ”

አደገኛ መንገዶች

በጥንት ጊዜ ከኢየሩሳሌም ወደ ኢያሪኮ የሚጓዙ መንገደኞች ያጋጠሟቸው አደጋዎች ዛሬ በጠላት ምድረ በዳ፣ ጫካ እና ባህር ውስጥ የሚጓዙ ሰዎች እንደሚገጥሟቸው አስተማማኝ ያልሆነ የፍልሰት መንገዶች ናቸው ሲሉ ርዕሰ ሊቃነ ጳጳሳቱ አስታውቀዋል።

ስለዚህም ብዙዎች እየተዘረፉ፣ እየተገፈፉና እየተደበደቡ ይገኛሉ፣ ብዙ ጊዜም በሕገወጥ አዘዋዋሪዎች ተታልለዋል፣ ርዕሠ ሊቃነ ጳጳሳቱ ያኔ "እንደ ሸቀጥ ይሸጣሉ" ብለዋል።

ስደተኞች እና ጥገኝነት ጠያቂዎች ዛሬ እየገጠሟቸው ያሉት አደጋዎች ጠንከር ያለ ነው ሲሉ አክለውም ብዙዎች መድረሻቸው ሳይደርሱ በሕይወት ሳይተርፉ አፈና፣ ብዝበዛ፣ ማሰቃየት እና መደፈር አደጋ ላይ እንደሚወድቁ ተናግሯል።

በሚያሳዝን ሁኔታ፣ በእነዚህ ቀናትም ቢሆን ሰዎች ጦርነትንና ሽብርተኝነትን እንዴት እንደሚሸሹ እንመለከታለን ሲሉ አክለው ገልጸዋል።

ርዕሠ ሊቃነ ጳጳሳት ፍራንችስኮስ በቅዱስ ጴጥሮስ አደባባይ “ለደተኞች እና ጥገኝነት ጠያቂዎች ጸሎት ባደረጉበት ወቅት

አዛኝ ልቦች

በሽፍቶች ከተደበደበ በኋላ በመንገድ ዳር ተኝቶ የነበረውን ሰው ያስተዋለውንና ያዘነለትን ሳምራዊ ምስክር በማስታወስ፣ “ቁስለኛውን አይቶ አዘነለት” በማለት፣ “ርኅራኄ በልባችን ውስጥ እግዚአብሔር ያተመው ነገር ነው” ብለዋል።

እናም ከዚያን ጊዜ ጀምሮ የቆሰለው ሰው ለረዳው "ባዕድ" ምስጋና ይግባውና በሰላም መኖር ጀመረ ብለዋል።

“ውጤቱ እንዲሁ ጥሩ የእርዳታ ተግባር ብቻ አልነበረም። ውጤቱ የወንድማማችነት ፍቅር መገለጫ ሆነ” ያሉት ቅዱስነታቸው ህይወትን ለማዳን እና ቁስሎችን ለመፈወስ ተጠርቷል ሲሉ አክለው ገልጸዋል።

“እንደ ደጉ ሳምራዊ፣ ለዘመናችን መንገደኞች ሁሉ ጎረቤት እንድንሆን፣ ህይወታቸውን ለማዳን፣ ቁስላቸውን ለመፈወስ እና ህመማቸውን ለማስታገስ ተጠርተናል። ለብዙዎች ፣ በሚያሳዝን ሁኔታ ፣ ጊዜው በጣም ዘግይቷል ፣ እናም እኛ መቃብር እንኳን ካላቸው መቃብራቸው ላይ ለማልቀስ ብቻ ነው የቀረን። ነገር ግን ጌታ የእያንዳንዳቸውን ፊት ያውቃል፥ አይረሳውምም ብለዋል።

ርዕሠ ሊቃነ ጳጳሳቱ እንዳሉት የደጉ ሳምራዊ ተግባር ከቀላል በጎ አድራጎት ባለፈ እና አገልግሎቱን የሚያመለክቱ አራት ግሦችን ያቀፈ ነበር፡- በደስታ መቀበል፣ መጠበቅ፣ ማስተዋወቅ እና ማዋሃድ የሚሉት ናቸው ብሏል።

ለግለሰቡ ያደረገው አፋጣኝ እንክብካቤ የረዥም ጊዜ ሀላፊነት ላይ ዘልቆ ሄዷል፣ ምክንያቱም እሱ ሲችል ሙሉ በሙሉ ማገገሙን ለማረጋገጥ ተመልሶ ነበር ያሉ ሲሆን አክለውም የዚህ አብሮነት የረዥም ጊዜ እድል "የበለጠ ሁሉን አቀፍ፣ የበለጠ ቆንጆ እና ሰላማዊ ማህበረሰብ እድገትን ያመጣል" ብለዋል።

ርዕሠ ሊቃነ ጳጳሳት ፍራንችስኮስ በቅዱስ ጴጥሮስ አደባባይ “ለደተኞች እና ጥገኝነት ጠያቂዎች ጸሎት ባደረጉበት ወቅት ”

አስተማማኝ መንገዶችን መሥራት

ሌላው ሁላችንም ልንወስደው የምንችለው እርምጃ "መንገዱን አስተማማኝ ለማድረግ የዛሬው ተጓዦች የሽፍታ ሰለባ እንዳይሆኑ መትጋት" ነው ሲሉ ርእሰ ሊቃነ ጳጳሳቱ የተናገሩ ሲሆን አክለውም "የወንጀለኛ አውታረ መረቦችን ተስፋ እና ህልሞችን የሚበዘብዙትን ለመከላከል ተጨማሪ ጥረት ያስፈልጋል" ብለዋል ። ለስደተኞች

ደህንነቱ የተጠበቀ መስመሮችን መፍጠር "መደበኛ የፍልሰት መስመሮችን ለማስፋት" ጥረት ይጠይቃል፣ በተመሳሳይ ጊዜ "የስነ-ሕዝብ እና የኢኮኖሚ ፖሊሲዎች ከስደት ፖሊሲዎች ጋር ወደ መጣመር" ማምጣት ይኖርብናል ብለዋል።

ነገር ግን በመጪዎቹ ዓመታት ሊጨመሩ የሚችሉትን የፍልሰት ፍሰቶችን ለመቆጣጠር የተለመዱ እና ኃላፊነት የሚሰማቸው አካሄዶችን ለማግኘት በሚሰሩበት ጊዜ በጣም ተጋላጭ የሆኑትን መፈለግ ቁልፍ ነው ሲሉ አጽንኦት ሰጥተዋል።

"በራችንን ለሚያንኳኩ ስደተኞች እና ጥገኝነት ጠያቂዎች ሁሉ እንድንቀርብ ፀጋውን ጌታን እንለምነው ምክንያቱም ዛሬ 'ወንበዴም ሆነ መንገደኛ ያልሆነ ሰው እራሱን ይጎዳል ወይም የተጎዳውን በትከሻው ይሸከማል” ካሉ በኋላ ቅዱስነታቸው አስተንትኖዋቸውን አጠናቀዋል።