ርዕሰ ሊቃነ ጳጳሳት ፍራንችስኮስ ቤተክርስቲያን ለሦስተኛ የቫቲካን ጉባኤ ዝግጁ አይደለችም አሉ።

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

የተቋቋመበትን 65ኛ ዓመት ምክንያት በማድረግ በስፓኒሽ ቋንቋ “ቪዳ ኑዌቫ” (አዲስ ሕይወት )የተሰኘው የስፔን ካቶሊካዊ መጽሔት ለረጅም ጊዜ በመገናኛ ብዙኃን ተመዝጋቢ በሆኑት ርዕሰ ሊቃነ ጳጳሳት ፍራንችስኮስ ላይ ሙሉ በሙሉ ያተኮረ ልዩ እትም አውጥቷል።

ርዕሰ ሊቃነ ጳጳሳቱ 37ኛውን የዓለም ወጣቶች ቀን አስመልክተው ወደ ሊዝበን ባደረጉት ሐዋርያዊ ጉዞ በዚህ ሳምንት ባደረጉት ረዥም ቃለ ምልልስ፣ ሦስተኛው የቫቲካን ጉባኤ መጥራቱን አስመልክቶ ግምቶችን ጨምሮ የተለያዩ ጉዳዮችን አንስተው፣ በአሥር ዓመት የርዕሰ ሊቃነ ጵጵስና ዘመናቸው ቆይታ፣ ያሳሰቧቸውን ጉዳዮች ጠቅሰዋል። ለወቅታዊው የዓለም ሁኔታ እና ለቀጣዩ ያቀዱንት ሐዋርያዊ ጉዞ በተመለከተም ተናግሯል።

3ኛውን የቫቲካን ጉባሄ የማካሄጃው ጊዜ አሁን አይደለም

ርዕሠ ሊቃነ ጳጳሳት ፍራንችስኮስ 3ኛ መላምታዊ የቫቲካን ጉባሄን በተመለከተ ጊዜው ገና አልደረሰም ብለው እንደሚያምኑ ገልጸው፣ ሁለተኛውን የቫቲካን ጉባሄ  ሙሉ በሙሉ ተግባራዊ ስላልሆነ በዚህ ጊዜ እንኳን አስፈላጊ አይደለም ብለዋል።

በዩክሬን እየተካሄደ ያለውን ጦርነት በተመለከተ ርዕሰ ሊቃነ ጳጳሳቱ የሰላምን መንገድ እንዲፈልጉ ልዩ መልዕክተኛ አድርገው የሾሟቸው ጣሊያናዊው ካርዲናል ማትዮ ዙፒ ኪየቭ፣ ሞስኮ እና ዋሽንግተንን ከጎበኙ በኋላ ወደ ቻይና ቤጂንግ እንደሚጓዙ አረጋግጠዋል።

በጦርነቱ ወቅት ሩሲያ ከግዛታቸው የተፈናቀሉ የዩክሬን ልጆችን ለመመለስ የቫቲካን ዲፕሎማሲያዊ ጥረት በማንሳት በሩሲያ እና በዩክሬን ባለስልጣናት መካከል ድልድይ ሆኖ የሚያገለግል ቋሚ ተወካይ ለመሾም ማቀዳቸውን ተናግሯል።

ርዕሰ ሊቃነ ጳጳሳቱ በመቀጠል በተባበሩት አረብ ኤምሬትስ አቡ ዳቢ በተለያዩ የሃይማኖት ተቋማት መካከል ቫቲካን ልታካሂደው ያቀደችው ስብሰባ በማዘጋጀት ላይ መሆኗን ገልጸዋል።

የታቀዱ ሐዋርያዊ ጉዞዎች

ርዕሰ ሊቃነ ጳጳሳት ፍራንሲስ ከ "ቪዳ ኑዌቫ" ጋር ባደረጉት ውይይት ኮሶቮን እና ስፔንን ለመጎብኘት እንዳሰቡ ገልፀው የትውልድ አገራቸው አርጀንቲና "በአጀንዳቸው ላይ መሆኗን" አረጋግጠዋል ።

ርዕሰ ሊቃነ ጳጳሳት ፍራንችስኮስ ስለ ቤተክርስቲያን ስላላቸው "ህልሞች" ተጠይቀዋል፣ ይህም በጵጵስና ዘመናቸው በተደጋጋሚ የቀረበላቸው ጥያቄ ነው።

የተሃድሶ እንቅስቃሴውን በተመለከተ፣ ርዕሰ ሊቃነ ጳጳሳቱ አንዳንድ ጊዜ "የጉልበት ማጣት" ስሜት እንደሚሰማቸው አምነዋል፣ ሆኖም ግን፣ "ጥሩ ነው ምክንያቱም እራስህን እንደ አምላክ አድርገህ እንድታምን ስለሚከለክልህ ነው" ብሏል።

ያም ሆነ ይህ፣ ‹‹ከወንጌል ውጪ ቤተክርስቲያንን ማደስ አንችልም፤›› በማለት የተለያዩ ርዕዮተ ዓለሞች እያመጡት ያለውን ፈተና በወንጌል በመመራት ብቻ መገታት እንዳለባቸው አስጠንቅቋል።

በዓለም ዙሪያ ከ1.3 ቢሊዮን በላይ ለሚሆኑ ካቶሊኮች መጋቢ የመሆንን ኃላፊነት በተመለከተ፣ ርዕሰ ሊቃነ ጳጳሳት ፍራንችስኮስ ሲናገሩ ችግሮች “እንቅልፌን ወስዶብኝ አያውቅም” ሲሉ አረጋግጠዋል።

ከእዚህ ቀደም በሌላ አውድ ቅዱስነታቸው “3ኛውን የቫቲካን ጉባሄ ሊያድርጉ አስበዋል ወይ?” ተብሎ ጥያቄ ቀርቦላቸው የነበረ ሲሆን እርሳቸውም በወቅቱ የሁለተኛው የቫቲካን ጉባሄ ውሳኔዎች በመቶ አመት ውስጥ ተፈጻሚ እንዲሆን ታስቦ የተደረገ ነው፣ ጉባሄው እ.አ.አ 1965 ዓ.ም የተጠናቀቀ መሆኑን አስታውሰው ሰነዶቹ ሙሉ በሙሉ ተግባራዊ ለማድረግ ከ42 አመታት በላይ እንደሚፈልግ መግለጻቸው ይታወሳል።