ዓለም አቀፍ የሰራተኞች ድርጅት "ክብር፣ አንድነት፣ ድጋፍ" ለሥራተኞች እንዲያደርግ ጥሪ ቀረበ!

የእዚህ ዜና አቅራቢ መብራቱ ኃ/ጊዮርጊስ ቫቲካን

የቫቲካን ዋና ጸሐፊ ብፁዕ ካርዲናል ፒዬትሮ ፓሮሊን በተባበሩት መንግሥታት ድርጅት ዓለም አቀፍ የሥራ ድርጅት በጄኔቫ በተዘጋጀው የ2023 የዓለም የሥራ ጉባኤ ላይ ርዕሰ ሊቃነ ጳጳሳት ፍራንችስኮስ ያስተላለፉት መልእክት እ.አ.አ ከሰኔ 14 እስከ 15 የተደረገ የሁለት ቀናት የመሪዎች ጉባኤ ላይ ያቀረቡ ሲሆን "ማህበራዊ ፍትህ ለሁሉም" በሚል መሪ ሃሳብ ከተለያዩ የአለም ሀገራት የተውጣጡ ባለሙያዎች በስብሰባ ላይ ተካፋይ እንደ ነበሩም ተገልጿል።

እ.አ.አ ረቡዕ ሰኔ 14 ቀን ካርዲናል ፓሮሊን የካቶሊክ ቤተ ክርስቲያን ምዕመናን ዜጎች ኃላፊነት የሚሰማቸው ዜጎች እንዲሆኑ የምታበረታታውን "የሚመሰገን ተነሳሽነት" በማለት በስብሰባው ላይ ይፋ ያደረገውን "ዓለም አቀፍ ጥምረት ለማህበራዊ ፍትህ" መጀመሩን አወድሰዋል። ቅድስት መንበር ማኅበራዊ ፍትህን ለማስፋፋት የሚደረገውን ማንኛውንም ጥረት ለመደገፍ በተለይም በሥራ ቦታ አቅሟን ለዓለም አቀፉ ማኅበረሰብ ተደራሽ በማድረግ እና ከሁሉም በላይ ደግሞ የቤተ ክርስቲያንን ማኅበራዊ አስተምህሮ በማካፈል ለመደገፍ ቁርጠኛ ነች ብለዋል።

ለሰላም ጉዳይ

ዛሬ በዓለማችን ላይ የሚታዩትን በርካታ ግጭቶችና አለመረጋጋት በማስታወስ፣ ካርዲናል ፓሮሊን የርዕሠ ሊቃነ ጳጳሳትን መልእክት በማንበብ፣ ዓለም አቀፉ ጥምረት ለማኅበራዊ ፍትህ ሰላምን ለማስፈን የበኩሉን አስተዋጽኦ ሊያበረክት እንደሚችል ያላቸውን ተስፋ ገልጸው፣ የካቶሊክ ቤተ ክርስቲያን “ለፍትሕ መረጋገጥ በጥብቅ የተቆራኘ መሆን አለበት” የምትልበትን መንገድ ጠቁመዋል። ለዘመናዊው ዓለም ሰላምን ለማስፈን ቁርጠኛ መሆን ያስፈልጋል ብሏል።

ይህ በማህበራዊ ፍትህ የተደገፈ የሰላም ራእይ ምናባዊ፣ ወይም ፍጹማዊነት ወይም ተምኔታዊ ሊመስል ይችላል ብለዋል ርዕሰ ሊቃነ ጳጳሳቱ በተለይም በዓለማችን ላሉ በሚሊዮን የሚቆጠሩ “በተደጋጋሚ በኢኮኖሚያዊ ጥቅም ወይም ያለ ልዩነት ብዝበዛ፣ ሥራ አጥነት ወይም ሥራ የሌላቸው፣ እና በሕይወት መኖር ለማይችሉ ሰዎች ሰብአዊ ክብራቸው “ያለ ማቋረጥ እየተረገጠ ነው” የሚለውን (3Ds) የሦስት ገጽ ማለትም “አደገኛ፣ ቆሻሻ እና አዋራጅ” በመባል የሚታወቁትን ስራዎች የሚያከናውኑትን ስደተኞች እና ጥገኝነት ጠያቂዎችን ጨምሮ ብዙዎች አስታውሰዋል።

ርዕሰ ሊቃነ ጳጳሳቱ በብፁዕ ካርዲናል ፓሮሊን ባስነበቡት መልእክታቸው፣ ቤተ ክርስቲያኒቱ ለእያንዳንዱ ጉዳይ መፍትሔ እንደሌላት እያወቀች፣ “የሰላሙን ወንጌል በመስበክ ለመቀጠል እና ይህንንም ለመጠበቅ ከአገር አቀፍና ከዓለም አቀፍ ባለሥልጣናት ጋር በመተባበር ቁርጠኝነት እንዳለባት ጠቁመዋል። በእውነተኛ ማህበራዊ ፍትህ የታደገ የሰላም ስጦታ ነው ሲሉ አክለው በመልእክታቸው ገልጸዋል።

አዲስ መንገድ በማዘጋጀት ላይ

ወረርሽኙ በተከሰተበት ወቅት ያጋጠሙት ተግዳሮቶች በአዲስ የትብብር ጎዳና ላይ መጓዙ ምን ያህል አስፈላጊ እንደሆነ ያሳያሉ ሲሉ ርዕሰ ሊቃነ ጳጳሳት አስታውቀዋል። ስለዚህ በማህበራዊ ፍትህ ላይ በፖለቲካዊ ውይይቶች ላይ ስንሳተፍ በስራ ገበያ ዳር የሚኖሩትን "በልባችን እና በአእምሯችን ግንባር ላይ" መሆናቸው ወሳኝ የሆነ ጉዳይ  ነው ሲሉ አክለው ገልጸዋል።

እዚህ ላይም አስፈላጊው ነገር፣ በህብረተሰባችን ውስጥ ይበልጥ አስተማማኝ ሰላም እንዲመጣ፣ የተገለሉትን እንደ ንቁ ተሳታፊዎች ማሳተፍ፣ ማህበራዊ ፍትህ የድህነት መንስኤዎችን ለመፍታት የሚረዱ መንገዶችን በማፈላለግ ለምሳሌ ኢእኩልነት፣ ስራ እጦት፣ የመኖሪያ ቤት እጦት ወይም የማህበራዊ እና የሰራተኛ መብቶች መከልከል፣  ይህ ማለት ከኢኮኖሚያዊ እና ማህበራዊ ጠቋሚዎች ባሻገር መመልከት ማለት ነው ሲሉ በመልእክታቸው ገልጿል።

የሰው ልጅ ክብር፣ አብሮነት፣ ንዑስነት

ርእሰ ሊቃነ ጳጳሳቱ ማኅበራዊ ፍትህን ለመለየት እና ተግባራዊ ለማድረግ የሚደረገው ጥረት በሦስቱ የማዕዘን ድንጋዮች “የሰው ልጅ ክብር፣ አብሮነት እና መደጋገፍ” ላይ መቀመጥ እንዳለበት አሳስበዋል።

እግዚአብሔር ለሰጠው ሰብዓዊ ክብር ለሁሉም ሰው የሚሰጠው ክብር “ከመፀነስ እስከ ተፈጥሯዊ ሞት ድረስ” አካላዊ፣ ስሜታዊና መንፈሳዊ ፍላጎቶቻቸውን ጨምሮ የግለሰቦችን መሠረታዊ መብቶችና ደህንነቶች መጠበቅ ያስፈልጋል ብሏል።

አንድነት የሁሉንም እርስ በርስ መተሳሰርና መደጋገፍ አጽንኦት ይሰጣል ሲል ገልጾ፣ “ትክክለኛ ግንኙነቶች መሸመን” እና “እርስ በርስ ለመተሳሰብ በተለይም ለተገለሉ፣ ለጥቃት የተጋለጡ ወይም ኢፍትሐዊ ድርጊቶችን የሚፈጽም” ተግባሮችን ሊገታ ይችላል በማለት ገልጾጿል። አክለውም “መድልዎ፣ ድህነት፣ ዓመፅ ወይም ኢፍትሃዊነት የሚደርስባቸውን” መደገፍ እና ማበረታታት አለብን ብሏል።

በመጨረሻም ለድጎማ ወይም ድጋፍ ለመስጠት ትኩረት መስጠት ተገቢውን የስልጣን ክፍፍል እና የውሳኔ አሰጣጥን ለመምራት ይረዳል። ትላልቅ ተቋማት ወይም ባለስልጣናት አስፈላጊ ሆኖ ሲገኝ አጠቃላይ ድጋፍ ሊሰጡ ይችላሉ፣ በአካባቢው ያሉ ግለሰቦች እና ማህበረሰቦች ግን ሕይወታቸውን የሚነካ ውሳኔ የማድረግ ነፃነት የላቸውም፣ ይህም የማሕበረሰቡን ጥቅም ይጋፋሉ ያሉት ርዕሰ ሊቃነ ጳጳሳቱ ይህ ሚዛን ከመጠን በላይ የኃይል ማሰባሰብን ያስወግዳል እና የግለሰቦችን እና ማህበረሰቦችን እጣ ፈንታ ለመቅረጽ ማበረታቻ እና ተሳትፎን ይደግፋል ብሏል።