ርዕሰ ሊቃነ ጳጳሳት፡- የሰው ልጅ ከምድር ውስን ሀብቶች ጋር ያለውን ግንኙነት መለወጥ አለበት አሉ።
የእዚህ ዝግጅት አቅራቢ መብራቱ ኃ/ጊዮርጊስ ቫቲካን
ክቡራን እና ክቡራት የዝግጅቶቻችን ተከታታዮች ርዕሰ ሊቃነ ጳጳሳት ፍራንችስኮስ በመጽሐፉ መቅድም ላይ ያስፈሩትን ጹሑፍ ሙሉ ይዘቱን እንደሚከተለው አሰናድተነዋል፣ ተከታተሉን።
ውብ ሆኖ የሚታየው መልካም ነገር ውብ እንዲሆን ያደረገውን ምክንያት ያንጸባርቃል። ለዓመታት የማውቀው እና የማከብረው፣ ምግብ ቀማሽ እና የማሕበራዊ አንቂ ከሆነው ካርሎ ፔትሪኒ እና በቅርብ ጊዜ ያበረከቱትን አስተዋጾ የማደነቅቀው የኢየሱሳዊ ማሕበር ኢኮኖሚስት ጋኤል ጂራውድ ያደረጉትን ይህን ውብ ውይይት ካነበብኩ በኋላ የምሰጠው ይህ የመጀመሪያው ሀሳብ ነው። በችቪልታ ካቶሊካ (የካቶሊክ ስልጣኔ) ውስጥ በኢኮኖሚክስ ፣ በፋይናንስ እና በአየር ንብረት ለውጥ ላይ ብቁ ጽሑፎችን አበርክተዋል።
ይህ ምን አገናኘው? ምክንያቱም ይህን ጽሑፍ ማንበብ በውስጤ ውብ እና ጥሩ ነገር ማለትም የተስፋ፣ የእውነተኛነት፣ የወደፊቱን እውነተኛ 'ጣዕም' ፈጠረልኝ። ሁለቱ ደራሲያን በዚህ ውይይት ያመጡት ነገር ከዓለም አቀፋዊ ሁኔታ ጋር በተያያዘ አንድ ዓይነት 'ወሳኝ ትረካ' ነው፡ በአንድ በኩል፣ የተነከርንበትን የኢኮኖሚ-ምግብ ሞዴል፣ በምክንያታዊ እና አሳማኝ ትንታኔ ያስረዳሉ። የጸሐፊውን ዝነኛ ፍቺ ለመዋስ ያህል 'የሁሉንም ነገር ዋጋ ያውቃል፣ ነገር ግን የሁልኑም ነገር እሴት አያውቅም’፣ በሌላ በኩል በርካታ ገንቢ ምሳሌዎችን፣ የተመሰረቱ ተሞክሮዎችን፣ ለጋራ ጥቅም የሚውሉ ነጠላ ታሪኮችን እና የጋራ ጉዳዮችን አንባቢውን ለበጎነት እይታ የሚከፍቱ እና በጊዜያችን እንዲያምኑ ያቀርባሉ። ስህተት የሆነውን ይተቻሉ፣ አዎንታዊ የሆኑ ሁኔታዎች ታሪኮችን ያቀርባሉ፣ አንዱ ከሌላው ጋር እንጂ አንዱ ከሌላው ውጭ እንዳልሆነ ያሳያሉ።
አንድ ጉልህ ሀቅ ማጉላት እፈልጋለሁ፥ በእነዚህ ገፆች ፔትሪኒ እና ጂራውድ አንዱ የ70 አመት ማሕበራዊ አንቂ ፣ ሌላኛው የ50 አመት የኢኮኖሚክስ ፕሮፌሰር፣ ማለትም ሁለት ጎልማሶች፣ በአዲሶቹ ትውልዶች ውስጥ ለእምነት እና ተስፋ ምክንያቶችን ማግኘታቸው ነው። ብዙ ጊዜ እኛ አዋቂዎች በወጣቶች ላይ እናማርራለን፣ በእርግጥ 'ያለፉት' ጊዜያት በእርግጥ ከዚህ አስጨናቂ ጊዜ የተሻሉ እንደነበሩ እና ከእኛ በኋላ የሚመጡት ስኬቶቻችንን እያባከኑ እንደሆነ ደግመን እንገልፃለን። ይልቁንም ሁላችንም የምንፈልገውን ለውጥ የሚያጠቃልሉት ወይም ከግብ የሚያደርሱት ወጣቶች መሆናቸውን በቅንነት መቀበል አለብን። በተለያዩ የአለማችን ክፍሎች የምንገኝ እኛ እንድንለወጥ የሚጠይቁን እነሱ ናቸው። አኗኗራችንን እንድንቀይር፣ አካባቢያችንን እንድናድን ይጠይቁናል። ዘላለማዊነ ከሌላቸው ከምድር ሀብቶች ጋር ያለንን ግንኙነት እንድንለውጥ ይጠይቁናል። ለነሱ ለአዲሱ ትውልድ ያለንን አመለካከት እንድንቀይር እና የወደፊት ተስፋቸውን እንዳንሰርቅ ይጠይቁናል። እኛን እየጠየቁን ብቻ ሳይሆን እየሰሩትም ነው፣ ወደ ጎዳና በመውጣት ለድሆች እና ለአካባቢ ጠላት ኢፍትሃዊ ከሆነው የኢኮኖሚ ስርዓት ተቃውሞአቸውን በማሳየት አዳዲስ መንገዶችን ይፈልጋሉ። እናም ስለ ምግብ፣ ትራንስፖርት፣ ፍጆታ ኃላፊነት ያለባቸውን ምርጫዎች በማድረግ እለት ተእለት እየተገበሩት ነው።
ወጣቶች በዚህ ላይ እያስተማሩን ነው! እነሱ ያነሰ ፍጆታ እየመረጡ ነው እና የግለሰቦችን ግንኙነቶች የበለጠ ይለማመዳሉ። ጥብቅ የአካባቢ እና ማህበራዊ የአከባበር ደንቦችን በመከተል የሚመረቱ ዕቃዎችን ለመግዛት ይጠነቀቃሉ፣ የጋራ ወይም ያነሰ የብክለት መጓጓዣ ዘዴዎችን በመጠቀም ረገድ ምሳሌ ናቸው። ለኔ እነዚህ ባህሪያት እየተስፋፉ መምጣታቸው የተለመደ አሰራር ሆኖ ማየቴ መጽናኛ እና መተማመንን ፈጥሮብኛል። ፔትሪኒ እና ጅራውድ ብዙውን ጊዜ በተለያዩ የዓለም ክፍሎች የአየር ንብረት ለውጥ እና የማህበራዊ ፍትህ ፍላጎቶችን የሚያራምዱ የወጣቶች እንቅስቃሴዎችን ያመለክታሉ - ሁለቱም ገጽታዎች ሁል ጊዜ አንድ ላይ መቀመጥ አለባቸው።
የመጽሐፉ ሽፋን በጣልያነኛ ቋንቋ 'Il gusto di cambiare' (የለውጥ ጣዕም) የሚለው ነው
ሁለቱ ጸሃፊዎች ለዘላቂ የኢኮኖሚ ልማት የአፈጻጸም መንገዶችን ያመላክታሉ እና ዛሬ በልምምድ ላይ ያለውን የብልጽግና ጽንሰ-ሀሳብ ተችተዋል። የጠቅላላ የሀገር ውስጥ ምርት (GDP) መሰረት እንደ ጣኦት ሆኖ በሚመለክበት እና ሁሉም አብሮ የመኖር ገፅታ መስዋዕት ሆኖ ባለበት በአሁን ወቅት ለአካባቢ ጥበቃ፣ ለመብት መከበር፣ ለሰብዓዊ መብት መከበር የሚደርገው ጥረት እየተገታ በመጣበት በዛሬው ጊዜ የጻፉት መጽሐፍ ነው። ጋኤል ጂራውድ በታሪክ የጠቅላላ የሀገር ውስጥ ምርት ጂዲፒ እራሱን እንደ ብቸኛ መመዘኛ ያረጋገጠበትን መንገድ እንደገና መገንባቱ በጣም አስደነቀኝ። ይህ የሆነው በናዚ ዘመን እንደሆነ እና የማመሳከሪያ ነጥቡ የጦር መሳሪያ ኢንዱስትሪ እንደሆነ ተናግሯል፡ በእዚህ መሰረት የጠቅላላ የሀገር ውስጥ ምርት ጂዲፒ 'ጦርነት' መነሻ አለው ማለት እንችላለን። ለዚህም ነው የሴቶች የቤት እመቤቶች ሥራ ፈጽሞ የማይቆጠርበት ምክንያት: ምክንያቱም ጥረታቸው ጦርነትን አያገለግልም። የሰብዓዊ ኢኮኖሚን የሚንቅ የሚመስለውን ይህን የኢኮኖሚ አመለካከት ማስወገድ ምን ያህል አጣዳፊ እንደሆነ የሚያሳይ ሲሆን በትርፍ መሠዊያ ላይ እንደ ፍፁም መለኪያ የሚቀመጥ መስዋዕትነት መስጠት ነው።
የዚህ መጽሐፍ ተፈጥሮም በእጥፍ የሚስብ ነው። በመጀመሪያ በንግግር ወይም ውይይት መልክ ስለሚካሄድ ነው። ለእዚህ አጽንዖት መስጠት አስፈላጊ ነው ብዬ የማስበው ነገር ነው። የሚያበለጽገን መጋፈጡ እንጂ በአቋማችን ላይ መቆም አይደለም። የዕድገት ዕድል የሚሆነው ውይይት እንጂ የአዲስነት መንገድን የሚከለክለው መሠረታዊ ሥርዓት አይደለም። የሚያበስረን ውይይት እንጂ ሁል ጊዜ ‘በትክክለኛ መንገድ ላይ መሆናችንን የሚነግረን ጥንታዊ አምልኮ የሚመስል እርግጠኝነት አይደለም። ትክክለኛነት እና በተለይም ስለ እውነት ፍለጋ ስንነጋገር ማለት ነው። ሰማዕቱ የኦራን ኤጲስ ቆጶስ ፒየር ክላቬሪ፣ ‘የእውነት ባለቤት አይደለህም እናም የሌሎችን እውነት እፈልጋለሁ’ ብለው ነበር። ልጨምር ክርስቲያኑ እውነትን እንደማያሸንፍ ያውቃል ይልቁንም በእውነት ‘የተሸነፈው’ እሱ ራሱ ክርስቶስ ነው። ለዚህም ነው የመወያየት፣የመጋፈጥ እና የመገናኘት ልምዱ ዛሬ ከልጆች ጀምሮ ለአዲሱ ትውልድ ማስተማር በጣም አስፈላጊው ነገር ነው ብዬ በጽኑ የማምነው፥ በራሳቸው ጠባብነት ውስጥ የተዘጉ ስብዕና ግንባታን እንዳያሳድጉ እና የጥፋተኝነት ውሳኔዎች እንዳያጎለብቱ ይረዳል የምለው በእዚሁ ምክንያት ነው።
በሁለተኛ ደረጃ ሁለቱ በውይይቱ ላይ አብሮ መካፈል በጥበብ በአርታዒው አነሳሽነት- የተለያዩ አመለካከቶችን እና የባህል አመጣጥ ይወክላሉ፣ ካርሊን ፔትሪኒ ራሱን እንደ “agnostic” (የሰው ልጅ አእምሮ የፈጣሪን መኖር አለመኖር ማወቅ አይችልም የሚል እምነት ነው) አግኖስቲክ አድርጎ የሚገልጽ እና ቀደም ሲል ለሌላ ጽሑፍ የመወያየት ደስታን ያገኘሁትበ ጅራውድ የኢየሱሳዊ ማሕበር አባል ናቸው። ነገር ግን ይህ ተጨባጭ ሃቅ ለህብረተሰባችን እና ለፕላኔታችን የእራሷ የወደፊት አሳማኝ ማሳያ የሆነ፣ አጥፊ፣ ቅኝ ገዢ እና የፍጥረት የበላይ ገዥ አካሄድ የሚያስከትለውን አስከፊ መዘዝ ያሰጋቸው ጠንካራ እና ገንቢ ውይይት ከማድረግ አያግዳቸውም።
አማኝ እና አግኖስቲክ “agnostic” (የሰው ልጅ አእምሮ የፈጣሪን መኖር አለመኖር ማወቅ አይችልም የሚል እምነት) የሚናገሩት እና የሚገናኙት በተለያየ አቋም ቢሆንም ፣የዓለማችን መጻይ ጊዜ እንዲቀጥል ህብረተሰባችን ሊወስዳቸው በሚገባው ጉዳዮች ላይ መወያየታቸው አንድ የሚያምር ነገር ይመስለኛል! ይህ በይበልጥ የሚሆንበት ምክንያት በውይይቱ ላይ ተካፋይ የነበሩት በሁለቱ ሰዎች መካከል የተደረገው ውይይት ሲገለጥ በወንጌል ውስጥ ያልተገኘው በሐዋርያት ሥራ ውስጥ ተመዝግቦ የሚገኘው የኢየሱስ አንድ ቃል ወሳኝነት ያለው እምነት በግልጽ ስለሚታይ ነው። ከመቀበል ይልቅ መስጠት የበለጠ ደስታ ይሰጣል። አዎን ምክንያቱም ሁለቱ በውይይቱ ላይ ተሳታፊ የነበሩ ሰዎች ከመጠን ያለፈ ፍጆታ እና ብክነት ወደ ስርዓት ከፍ እንዲል አድርገው የወቅቱን ህይወት ክፋት ሲያዩ እና በወንድማማችነት እና በወንድማማችነት አብሮ የመኖር እውነተኛ ሁኔታዎችን ዘላቂ እና ዘላቂነት ያለው መሆኑን ሲገነዘቡ ይህ አተያይ ያረጋግጣል ። ኢየሱስ ፍሬያማ እና ለሁሉም ወንዶች እና ሴቶች የሕይወት ቦታ ነው። የእምነት አድማስ ላላቸው እና ለሌላቸው። የሰው ልጅ ወንድማማችነት እና ማህበራዊ ወዳጅነት፣ የመጨረሻውን ሐዋርያዊ መልእክት በጣሊያነኛ ቋንቋ “ፍራቴሊ ቱቲ” (ሁላችንም ወንድማማቾች ነን) በሚለው ሐዋርያዊ ማሳሰቢያ ላይ የሰጠሁት ስነ-ሰብዕ (አንትሮፖሎጂካል) ልኬቶች በግላዊ፣ ማህበረሰባዊ እና ፖለቲካዊ ደረጃ የግንኙነታችን ተጨባጭ እና ተግባራዊ መሰረት መሆን አለበት።
ፔትሪኒ እና ጂራውድ ትኩረታቸውን ያደረጉበት የጭንቀት አድማስ እኛ እራሳችንን ያገኘንበት የዚያ 'የሚገለው ኢኮኖሚ' ልጅ እና የምድርን ስቃይ ጩኸት እና አስጨናቂ እና አሳዛኝ ጩኸት ያስከተለው ወሳኝ የአካባቢ ሁኔታ የዓለም ድሆች እንዲፈጠሩ ያደረገ ነው። በየዕለቱ የሚደርሰን ዜና - ድርቅ፣ የአካባቢ አደጋዎች፣ በአየር ንብረት ለውጥ ሳቢያ በግዳጅ መሰደድ - በግዴለሽነት መኖር አንችልም፤ እግዚአብሔር በዙሪያችን ባለው ፍጥረት ሊሰጠን የፈለገውን ውበት በማጥፋት ተባባሪ ልንሆን አይገባም። ይበልጡንም በዚህ መንገድ ፈጣሪ ከውኃና ከአፈር የፈጠረው ወንድና ሴት ‘እጅግ ጥሩ’ ስጦታ ይጠፋል። ጉዳዩን እንጋፈጠው፣ የያዝነው ቸልተኛ የኢኮኖሚ እድገት የአየር ንብረት መዛባት በተለይም ከሰሃራ በታች ባሉ የአፍሪካ ድሃዎች ትከሻ ላይ እየወደቀ ነው። እንዴት ነው ከእነዚህ ችግሮች ለሚሸሹት ሰዎች በሮቻችንን መዝጋት የምንችለው፣ እናም ዘላቂነት የሌላቸው የአካባቢ ሁኔታዎች፣ መጠነኛ ያልሆነ ሸማችነታችን የሚያስከትለውን መዘዝ እንዴት መዋጋት እንችላለን?
ይህ መጽሐፍ በግል፣ በማህበረሰብና በተቋም ደረጃ፣ መንገድን እና እሱን ለመከተል ያለውን ተጨባጭ ሁኔታ ስለሚያሳየን ውድ ስጦታ ነው ብዬ አምናለሁ፡ የስነ-ምህዳር ሽግግሩ ሁላችንም እንደ ወንድም እና እህት ያለንበትን አካባቢ ሊወክል ይችላል። የጋራ ቤታችንን እንከባከብ፣ ጥቂት ነገሮችን በመጠቀም እና ብዙ የግል ግንኙነቶችን በመምራት ወደ ደስታችን በር እንደምናገባ እርግጠኛ ነን።
